فيه 17 واحد مصري السلطات السعودية طلباهم بالاسم، وبعتت اسمهم للسلطات المصرية يحضروا في أقرب وقت،و من لم يحضر فيهم سيواجه مشكلة كبيرة فما القصة؟
في البدايه لازم كلنا نسمع الفيديو ده حلو قوى، وكمان نشيره يمكن يكون حد فيكم يعرف حد من اللى السلطات السعودية طلباهم.
السعودية زيها زي أي بلد ليها قوانينها وعاداتها، وطبعا مافيش حد ليه دخل أنه يدخل فيها، بس إيه علاقه ده بـ 17 مصري السعودية طلباهم بالأسم، هما المصريين دول عملوا حاجه غلط هناك يعنى ولا إيه.
الحقيقة أن المصريين دول عادى، معملوش حاجة كبيرة، كل الحكاية ان السلطات السعودية طلبتهم بالاسم لان الناس دى تقدمت بطلب للخروج النظامى من المملكة، والطلب ده كان ناقص فيه شويه ورق ومعلومات، لازم منها علشان يتختم الطلب بتاع المصريين، ويقدروا يعملوا اللى هما عايزينه.
حد فيكم ممكن يسأل سؤال دلوقتى، إيه هو طلب الخروج النظامى ده إيه أصلا، الطلب ده ياجماعة بيتقدم بيه أي مصري في السعودية بعيدا عن الكفيل بتاعه عشان يقدر يخرج من المملكة براحته، ومايبقاش للكفيل بتاعه حق عليه أنه يقعده في البلد ولا سلطة خالص، وده نظام جديد عملته السعودية من فترة، علشان تحل جزء من المشاكل اللى كانت بين الكفيل السعودى والعامل الى شغال معاه.
نيجى بقى، للمصرين دول، مين هما، أولهم واحد أسمه وليد مسلم عبد المنعم، وده مطلوب منه تحديث بيانات، زيه بالظبط عادل رمضان محمود، ومحمد يسرى الاسكندرانى، و حافظ أحمد حافظ.
أما بلدينا اللى أسمه زعزوع محمد زعزوع محمد، ده مطلوب منه نقل كفاله، هوا ومحمد صلاح الدين عوض.
وعادل أحمد جاد محمد وعمرو أمام عبد العال، ومحمد عبد الكريم، ومحمد قاسم، ومصطفى وهيب وعلى رجب محمد، وحسام مختار حسن وعادل ثابت، وأحمد عطية ورضا أشرف، كل دول خارج الرياض ومطلوب منهم رخصة عمل سارية.
لحد هنا نكون وضحنا ليكم تفاصيل وأسماء المصريين اللى أعلن عنهم مكتب التمثيل العمالي التابع لوزارة القوى العاملة بالسفارة المصرية بالعاصمة الرياض بالمملكة العربية السعودية، واللى صادر بحقهم ملاحظات من مكتب العمل بالرياض.
وواجب على المطلوبين دول أنهم يلتزموا بالتعليمات والقوانين اللى قالت عليها السعودية، واللى شغاله بيها، ويروحوا يحدثوا ورقهم عشان يقدروا ياخدوا خروج نظامى من المملكة العربية السعودية.
في نفس الوقت، مكتب التمثيل العمالي التابع لوزارة القوى العاملة بالسفارة المصرية بالمملكة العربية السعودية، قال أنه وصله كشفين جديدين يوم الثلاثاء اللى فات 24 يناير 2023، بإجمالي 59 أسم منهم 13 عليهم ملاحظات، والباقي خروج نظامي.
وقال أحمد رجائي، رئيس مكتب التمثيل العمالي بالرياض، إن الكشف الأول بأسماء الحاصلين على تأشيرة الخروج النهائي من إدارة الوافدين، يمكن ليهم طباعة تأشيرة الخروج النهائي من على منصة أبشر أو منصة مقيم ويمشوا من السعودية خلال المدة المحددة، ولو مش قادرين طباعة التأشيرة مطلوب منهم الحضور إلى مكتب التمثيل العمالي بالقنصلية العامة بالرياض للحصول على صورة منها، ودى صورة من الأسماء.
بنفكركم لو حد فيكم يعرف حد من الأسماء دى يقوله، يمكن مايكونش يعرف وتضيع عليه الفرصة.
