كشف صديق مقرب من لاعب نادي الزمالك السابق إبراهيم شيكا عن الحالة المادية لأسرته خلال فترة مرضة ردًا على مطالب والدته للحصول على نصيبها من ميراث نجلها والتي أدعت امتلاكه لشقتين وسيارة وأموال بنكية.
ابنك كان بيفتح لايف قبل كل جلسة ويطلب من الناس فلوس علاجه
وقال محمد إيهاب صديق اللاعب إبراهيم شيكا المقرب: علاج شيكا تكلف مئات الآلاف سواء أنفقت على الجلسات العلاجية أو إجراء الفحص والأشعة أو خلال فترة وجوده بالمستشفى الجوي.
وأضاف صديق إبراهيم شيكا: كنا بنشحت تمن علاج شيكا من الناس ومكناش لاقيين ولا عارفين هيتعالج إزاي وفلوس علاجه كانت من كذا مصدر مش من اللايفات بس.. فيه فنانين دعموه ماليًا ومنهم تامر حسني ومحمد رمضان.
وأكمل صديق إبراهيم شيكا: منين كل الفلوس اللي والدة شيكا بتطالب بيها دي وإحنا مكناش لاقيين نعالجه أنا صديق شيكا وكنت معاه في كل ثانية وكل حاجة على يدي مفيش ولا عربيات ولا شقق لدرجة إن شيكا قبل كل جلسة علاج كيماوي كان بيفتح لايف يطلب من الناس الباقي من فلوس العلاج إزاي بقى عنده عربيات وشقق؟.. كل الكلام اللي اتقال مش صح ومش معانا فلوس حتى شيكا ابنها مات مديون وعليه فلوس لناس كتير.
