ما سر لوحات المرور الجديدة المعدنية وما المميز فيها عن الملصق الالكتروني؟

لكل واحد عنده سيارة، جهز 600 جنيه لكي تحصل على اللوحة المعدنية الجديدة! هذا هو سر الصور التي تسببت في حالة من القلبان على السوشيال ميديا والكل يتحدث عن استبدال اللوحات القديمة بلوحات معدنية؟

فياتري ايه التفاصيل؟ وإيه مصير الملصق الإلكتروني اللي اتعمل قبل كده؟ وايه المميز في اللوحات المعدنية؟ وإيه علاقتها بالرادار؟

خلال الساعات اللي فات انتشرت بين رواد السوشيال ميديا صور لنوع جديد من لوحات المرور ، بدأ تركيبه رسميا على العربيات في مصر.

فياتري إيه الحكاية؟

بص ياسيدي، عشان تعرفة اصب الموضوع لازم ترجع لورا شوية وتخديدا في شهر أكتوبر 2022، ساعتها وزبر الانتاج الحربي افتتح الشركة العربية الألمانية لـ اللوحات المرورية المؤمنة، برأسمال عامل بمبلغ 2,5 مليون يورو.

ودي شركة جديدة تابعة للهيئة العربية التصنيع، هدفها استخدام الخبرات الالمانيه في صناعه لوحات المرور المعدنيه جوة مصر.

ما هو سعر اللوحات الجديدة كام؟

حسب الكلام المتداول على السوشيال ميديا، سعر تركيب اللوحة المعدنية 600 جنيه، لكن لغاية دلوقتي مفيش تأكيد رسمي على الكلام ده، والسؤال دلوقتي بقى ايه الفرق بين اللوحات القديمه اللي كلنا متعودين عليها واللوحات المعدنية الجديده؟

أول حاجة اللوحات المعدنية مشابهه لتصميم لوحات المرور في دول الاتحاد الاوروبي، زي الكتابة باللون الأزرق، وفيها رمز يدل على الدولة وأول حرفين من اسم البلد

وتاني حاجة انها مصنوعة طبقًا للمواصفات العالمية من حيث جودة الخامات وعلامات التأمين زي حفر الليزر والهولوجرام والعلامات المائية والباركود.

أما بقى الميزة التالتة والأهم، فهي تقنية RFID، ودي عبارة عن شريحة ذكية على اللوحة بتقوم بدور الملصق الإلكتروني. وبيكون متسجل عليها كل المعلومات عن العربية، زي رقم الشاسيه والعربية ولونها وغيرها من التفاصيل.

والحاجة الأخطر في الشريحة دي، أن الرادار يقدر يلقطها على مسافة ابعد من الملصق الاكتروني وعلى سرعة 260 كيلو متر.

وحتى لو صاحب العربية طمس أرقام اللوحة، برضه الحكومة تقدر توصل للعربية من خلال الشريحة الإلكترونية، ودي نقطة مهمة جدا لأن قبل كده ممكن تلاقي نفسك لابس مخالفة وانت اصلا مكنتش في المكان ده، والسبب في كدا ان في صاحب عربية لعب في الأرقام، ومن حظك تبقى أرقام اللوحة شبه أرقامك وتلبس انت مكانه.

وتتميز اللوحات المعدنية حسب جريدة الأهرام، بالشريط اللامع الموجود بمنتصف اللوحة الهولوجرام وفيه 15 علامة تأمينية مسجلة باسم وزارة الداخلية، واللون العاكس في الجزء الأول باللوحة وفيه علامة مائية مدون عليها كلمة مصر EGYPT باللغة الإنجليزية، وكمان موجود نسر الجمهورية في نص اللوحة محفور بالليزر، وفي خلفية اللوحة اسم الشركة وتاريخ وإنتاج اللوحة

وعلى فكرة المصنع التابع للهيئة العربية التصنيع يقدر يطلع 3 مليون لوحة معدنية سنويا، والهدف في أول مرحلة هو تصنيع اللوحات المعدنية لكل انواع المركبات، ومن بعدها التصدير إلى الدول العربية والافريقية.

بس خد بالك لغاية دلوقتي مفيش اي تأكيد رسمي على تطبيق اللوحات المعدنية، وكل المتداول على السوشيال ميديا ان تركيبها هيكون إجباري خلال شهرين وتغيير اللوحة ب600 جنيه أو مع أول تجديد للرخص، بس الساعات الجاية هي اللي هتكشف الحقيقة؟ فقوللنا إيه رأيكم في القصة دي؟