كشف الإعلامي محمود سعد عن آخر تطورات حالة النجمة أنغام.
كتب محمود سعد عبر صفحته بموقع Facebook: “محبي انغام الكتير قوي قوي قوي، هاقولكم أحدث الأخبار، مساء السبت من ميونخ، كنت منتظر نتائج التحاليل زي ما قلتلكم في آخر خبر كتبته عن أنغام، الحمد لله الأرقام تقترب جدا من الأرقام الطبيعية، ونصح الأطباء انغام بالمشي خارج غرفتها.. وهي الحمد لله بتاكل بشكل طبيعي”.
وتابع محمود سعد: الكلام عن وجود خراج على البنكرياس غير صحيح اطلاقا، ولم يحدث أي خطأ طبي في العملية، والمضاعفات اللي حصلت هي المضاعفات اللي ممكن تحصل في النوع ده من الجراحات الكبيرة والخطيرة، وزي ما قلتلكم انغام اختارت المستشفى دي لانها متخصصة في الجراحات الخاصة بالبنكرياس”.
واستكمل محمود سعد كاتبا: “كمان أنغام لم تخضع لـ ٣ عمليات جراحية زي ما اشيع، وأخيرا بالنسبة للألم الحمد لله دلوقتي في تراجع، عايز اقولكم ان المحنة اللي مرت بيها انغام كشفت عن حالة حب حقيقية في منتهى القوة والصدق، وهي تستحق ده، أنا اعرف أنغام من سنين طويلة وعارف هي تعبت وشقيت قد ايه علشان توصل للي هي فيه، فحبكم الصادق جدا هو لفنانة صادقة جدا، وتستحقه، دعواتكم بقى علشان تقوم بالسلامة وتعبر رحلة الألم والحب”.
