انتقد الإعلامي شريف مدكور لجوء بعض الأشخاص إلى الاقتراض من المقربين منهم، من أجل أداء فريضة الحج، مشيرًا إلى أن هناك أشخاصا يقضون حياتهم وراء ادخار تكاليف ومصاريف الحج.
وكتب شريف مدكور منشورا، عبر حسابه الشخصي على موقع التواصل الاجتماعي فيس بوك، قال فيه: بستغرب أوي على اللي يوافق يروح يحج على حساب حد، ويبقى قاعد في برج الساعة، مش بتتكسفوا من ربنا؟، وفي ناس تانية بتقعد سنين تحوش علشان تروح الحج، وممكن يناموا في الشارع سبحان الله فعلًا.
وفي سياق آخر، سبق أوضح شريف مدكور سبب عدم أدائه الصلوات في المسجد، قائلًا: مبروحش أصلي في المسجد لأنه دوشة ومبعرفش أصلي، وقبل الصلاة بهيأ نفسي وبعمل خشوع مش هقول يوجا، وبقفل تليفوني وبنام على الأرض وبهيأ نفسي أني هقف لـ ربنا وببقى لابسة ملابس فضفاضة وببدأ صلاة في مكان معين في بيتي.
وأضاف شريف مدكور: لو عملت برنامج ديني مش هاخد فيه أجر ومش هقول ليه علشان مزعلش حد، ولما كان عندي فقرة ثابتة مع عالم من علماء الأزهر مكنتش باخد أجر فيهم، كنت في عمرة وقلت يا رب عرفني أنك بتحبني، وبعدها عرفت أني عندي سرطان قولون، والناس كانت بتقف طوابير في رمضان علشان يطمنوا عليا، وفي ستات كانت بتجيلي من الأرياف ومعاهم حلل محشي، وأطفال راسميني سوبر مان وماسك فانوس، محدش شاف اللي أنا شفته واكتشفت حب الناس.
