كشفت الفنانة ملك أحمد زاهر عبر حسابها الرسمي بستوري، موقع تبادل الفيديوهات والصور «انستجرام»، تطورات حالتها الصحية بعد أزمتها الأخيرة.
وكتبت ملك أحمد زاهر قائلة: «والله ما عارفة أقول إيه على كل الحب ده والدعاء، أنا بحبكم أوي، أنتوا أحلى حاجة في الدنيا، أنا عايزة أطمنكم، أنا الحمد لله بقيت أحسن وده بفضل ربنا ودعواتكم».
وأضافت ملك: «شكرًا، عشان والله اللي حصل ده رغم إنه كان صعب عليا وعلى أهلي جدًا، بس عرفني غلاوتي عند اللي حواليا وعندكم».
ملك أحمد زاهر تعلن عن أزمتها الصحية
وأعلنت الفنانة ملك أحمد زاهر، منذ أيام عبر ستوري موقع تبادل الفيديوهات والصور «انستجرام»، عن أزمتها الصحية التي أدت لدخولها إلى المستشفى.
وقالت:«أنا والله ما كنت متوقعة كل اللي حاصل ده، أنا لما حبيت أشارك حالتي الصحية كان عشان أنا كنت مخضوضة جدا على نفسي، وفكرة إن لا أنا ولا الدكاترة حتى عارفين أنا عندي إيه كانت رعباني».
ملك أحمد زاهر: حياتي فيها الحلو والوحش
وأضافت: «كنت محتاجة بس أوصلكم إن حياتي فيها الحلو وفيها الوحش، وقلت في الستوري إن الموضوع مش الغرض منه القلق وإني مش عايزة حد يقلق عليا، أنا كويسة وعندي يقين في ربنا إنه هيقومني بالسلامة، وإن شاء الله تبقى حاجة بسيطة بس من خضتي كتبت مع إن دي مش طبيعتي إني أشارك الحاجات السلبية عموما».
