شهد شارع مصدق بمنطقة الدقي، تعطل في الحركة المرورية، بسبب تشاجر امرأة مع متحرش حاصرها بسيارته الأجرة، وفقاً لصورة تداولها عدد من رواد موقع “فيسبوك”، مؤخراً.
وروى أحد الرواد الواقعة قائلاً: “شارع مصدق في الدقي كله كان واقف بسبب ست قررت توقف عربيتها بالعرض عشان في راجل سواق تاكسي أبيض رخم عليها (اتحرش بيها) .. فوقفتها قدامه و قررت و دعمت قرارها بحلفان على إنها “والله ما انا ماشية إلا اما ينزل يعتذرلي و لو إنتو رجالة محدش يكلمني و يغلطني روحوا غلطوا الغلطان”.
وأضاف: “الرجالة عشان اتحطوا قدام الأمر الواقع مقلوش ادبهم عليها الحقيقة، والشارع وقف اكتر من 10 دقايق و في الاخر الراجل نزل قالها انا اسف يا ستي”.
وتابع: “راجل تاني حب ينتصر للراجل الاولاني قام قايلها اطلعي يلا بقى دا ايه القرف دا .. قامت حلفت تاني انها مش ماشية و قفلت الأزاز وقعدت جوا قام شاتمها فسمعته فراحت نزلت هزقته هو و ابوه و امه و اللي يتشددله وشه احمر و ركب عربيته و سكت و محدش من اللي حواليه دعمه لأنه غلطان”.
واختتم: “و بعد كدا مشيت زي البرنسيسة .. تحياتي ليكي يا فندم”.
شاهد أيضاً:
«لا يُمثل البيوت المصرية».. 7 مشاهد خارجة صدمت الجمهور في مسلسل «سابع جار»
بعد موجة الانخفاض..اسعار الذهب تشهد استقرار و عيار 21 يسجل هذا الثمن
أسعار العملات اليوم الأحد..الدولار يسجل هذا الثمن
