قصة حسناء كرواتيا التي خطفت الانظار بمونديال قطر وتابعها آلاف العرب

على هامش مونديال قطر كان هناك حسناء مختلفة، لفتت الأنظار، رغم مخالفتها للدريس كود الخاص بالمونديال والقواعد العامة في قطر، إلا إنها سعيدة وترى أنها لا تؤذي أحد وأن ملابسها حرية شخصية، وهو ما جعلها تكسب العديد من المتابعين على السوشيال ميديا فما قصتها؟

قبل مونديال قطر ظهرت تحذيرات كتير للسياح اللي جايين للبلد العربي الإسلامي ده، عشان موضوع المشروبات الكحو، وكمان العلاقات بين الأفراد من النوع الواحد وحتى من الجنسين بشكل عام والمواد الممنوعة، وطبعا اللبس، لأن معروف إن الستات في قطر بتلبس الحجاب وليهم زي خاص بيهم، وطبعا السياح مبيحبوش كدة.

السفارات المختلفة حذرت رعاياها من حاجات كتير زي مثلا الأدوية المنشطة والحاجات دي، والسبب إنه لازم يكون في روشتات لأنها ممكن تعتبر من الممنوعات في قطر وممكن يواجه صاحبها مشاكل قانونية.
كمان حذروهم إن اللبس يكون تحت الركبة وميكونش مكشوف الأكتاف في الأماكن العامة ولكن داخل الفنادق كل شيء متاح.

موقع السياحة الحكومي في قطر طلب من الرجالة والستات إظهار الاحترام للثقافة المحلية من خلال تجنب الإفراط في الملابس المكشوفة في الأماكن العام.

ووضح إنه ممكن يتم إبعاد المخالفين عن المباني الحكومية ومراكز التسوق، دي كدة كانت التحذيرات العامة، لكن على الهامش بقى ظهرت المشجعة الكرواتية، إيفانا نول، واللي مشيت بقواعدها الخاصة.

ظهرت في الاستادات وفي الأماكن العامة بملابس مكشوفة وقصيرة، وخدت بقى فوتو سيشن، والناس بقتت تصور معاها، زواد عدد متابعيها بشكل كبير من بعد ما اتعرفت في مونديال قطر.

إيفانا صاحبة اللقطة الشهيرة بتاعة المشجع القطري اللي كان منبهر بيها وبيصورها بالموبايل وهي نازلة من على سلالم المدرجات كأنه أول مرة يشوف ستات.
هي خدت اللقطة وشيرتها على حسابها على إنستجرام لما وصلت طبعا لمليون متابع بقى معظمهم عرب.

قالت «مليون متابع.. شكرا ليكم على الدعم بحبحكم كلكم»، يعني حتى مقالتش حاجة خاصة للراجل الغلبان اللي عينه كانت هتخرج عليها. إيفانا نول كشفت كواليس ظهورها بملابس جريئة خلال مباريات منتخب بلادها في كأس العالم المقام حاليا في قطر

قالت في أحد البرامج إن هي بتحترم قواعد المكان اللي بتروحه، وإن هي سألت وقالولها البسي اللي يعجبك دي، إحنا هنا في كاس العالم، مش عارفين صراحة الكلام ده حقيقي ولا ايه بقى، ولا اللي قالها الكلام ده حد جاي معاها أصلا.

اللطيف في الأمر إنها بتقول إنها مواجهتش أي رد فعل مسيئ خالص بالعكس هي اتفاجئت بحفاوة من الجمهور القطري والعربي بشكل عام

وكانوا بيروحوا عشان يتصوروا معاها لدرجة إنه حتى الستات المحجبات كمان كانوا بيطلبوا يتصوروا معاها.واللي ميعرفهاش، فإيفانا نول عارضة أزياء كرواتية وملكة جمال سابقة

اتولدت في ألمانيا وسافرت كرواتيا وعاشت هناك وهي عمرها حاليا 30 سنة، عدد متابعينها على إنستجرام وصل لمليون و700 ألف خلال أيام وده طبعا بفضل مشجين كاس العالم.