كشف الفنان أحمد سعد عن نيته تأجيل ألبوم الموسيقى العربية، بسبب تعرض صوته لمشكلة إثر إحيائه العديد من حفلات الزفاف مؤخرًا، ما تسبب في إجهاد صوته.
وقال أحمد سعد في فيديو نشره عبر حسابه على إنستجرام: عندي مشكلة كبيرة، ده صوتي راح، يعني مش عارف أعمل إيه، صوتي من الأفراح، وعندي مشكلة أكبر بكتير، وعندي ألبوم هنزله يوم الأربعاء، وعندي أغاني لسه مغنتهاش، وأعلنت إني هنزل الألبوم يوم الأربعاء.
وأضاف: صوتي تعبان جدًا ومش عارف أتكلم. طبعًا ناس بتقولي متقعدش تغني وتزعق في الأفراح أوي، بس والله العظيم من قلبي، ومحدش بيطلب مني كده، بحس إني فرحان زي الناس، بس وصل الموضوع لأزمة كبيرة جدًا، صوتي رايح، وعندي ألبوم المفروض ينزل الأربعاء الجاي، وفيه أغاني مغنتهاش.
وأردف أحمد سعد: حل من حلولي يا إما ألغي النزول يوم الأربعاء الجاي، يا إما أنزل أغنيتين بس لحد ما أغني باقي الألبوم، وأنزل الباقي بعدين، المهم إن ده أصعب ألبوم في الغنا؛ لأنه ألبوم الموسيقى العربية، طول عمري بحلم بيها، ده أنا لما ألاقي صوتي مش مساعدني أغني، زعلان جدًا إن صوتي مش مطاوعني، يا إما هأجل، يا إما هنزل الأغاني اللي غنيتها.
