دخل الفن عن طريق الصدفة، عن طريق صديق له قدمه لمخرج شهير فرشحه المخرج لفيلم ، وبعد أول دور له في السينما، الجمهور بدأ يعرفه، فأحب أدواره التي توالت بعدها.ستصيبكم الدهشة عندما تعرفون حكايته مع الحياة، والتي كان فيها لغز كبير صعب على ناس كثيرة أن تتحمله، لذلك فإن هذا الفنان أستطاع أن ينجح في مواجهة “الوجع اللعين” بكل شجاعة، نتحدث عن الفنان المحبوب يوسف منصور.
“يوسف منصور” اتعرف على الشاشة بأدوار الأكشن، وده طبعا باعتباره بطل مصر والعالم في لعبة “كمال الأجسام”، ومنها احترف التمثيل، لكن هو قال إن ظهوره على الشاشة جه بالصدفة البحتة
“يوسف” له تاريخ فني كبير، وكمان عنده أسرار في حياته محدش من الجمهور يعرفها كتير، منها قصة صاحبه اللي عرفه على مخرج سينمائى قبل دخوله مجال التمثيل، وبالفعل قابله المخرج ورحب به، بعدها رشحه لدور في فيلم “العجوزة والبلطجى”، فبدأ “يوسف” في تقديم أدوار البطولة فى أعمال سينمائية مختلفة وزادت شهرته.
الفنان يوسف منصور قبل ميكون ممثل هو “بطل رياضي”، عشان كدة قال إنه لما دخل الفن، كان هدفه الأساسى، توصيل رسالة لتعريف الرياضيين والجمهور، بالرياضة الجديدة اللى كان بيمارسها في الوقت ده، واللي احترفها وحصل من خلالها على بطولات عالمية
كل ده عادي.. لكن اللي هو مش عادي في حياة “يوسف منصور”، سر قدومه للحياة اللي بيعتبره من أهم أسرار حياته، قال يوسف إن أهل والدتة رموه في “كيس قمامة” بعد ولادتة مباشرة لمدة نص ساعة، ولما اتسأل عن الحكاية دي قال إن جدته لأمه افتكرت إنه رحل بعد ولادته، فألقوه في “كيس قمامة”جنب البيت، لكن ازاي رجع يوسف منصور للحياة من تاني وايه هي المعجزة اللي حصلت معاه؟.. ده اللي هنعرفه دلوقتي.
بعدما ألقوه أهل جدته في القمامة بلغوا الدكتور اللي كان بيشرف على ولادة أمه، وبالمناسبة كان إسمه “يوسف، فطلب منهم يشوفه علشان يتأكد إذا كان فارق الحياة ولا لاء، فأهله جابوه تاني من القمامة، ولما شافه بدأ الدكتور يضغط على قلبه أكتر من مرة فعرف إن النبض لسة فيه
ودي المعجزة اللي حصلت للولد ولأسرته بعد رجوعه للحياة، عشان كدة أهله قرروا في اللحظة دي يسموه “يوسف” على إسم الدكتور اللي أعاده للدنيا.
يوسف منصور بعد رحلة فنية كبيرة أصيب بالكانسر اللعين، فاعتزل الشاشة واختفى لكن اتصح إنه سافر ألمانيا وهناك افتتح مركز لعلاج الحالات الحرجة اللي زي حالته كدة فتحول من موجوع لعلاج الموجوعين اللي زيه
وقتها سألوه عن الوجع اللعين فقال ان الكانسر ده هو أكبر أكذوبة فى العالم، لأنه أول ما عرف بمرضه عاش فترة طويلة مستني الرحيل في أي وقت، وبعد ما تم شفائه اتأكد بإن أى مرض فى الدنيا مهما كانت خطورته، اكيد في أمل في الله للشفاء منه.
يوسف منصور كان في لقاء تلفزيوني اتكلم فيه عن كواليس غيابه عن الساحة الفنية طوال السنوات اللي فاتت فقال انه ساب السينما بسبب انشغاله بالمركز اللى عمله فى ألمانيا، واللى بيساعد فى علاج الحالات الحرجة اللي ملهاش علاج.
وقال بأن العلاج الكيمياوى يدمر الجهاز المناعى، وهناك قوى خفية تروج للعلاج ده في العالم كله بدليل انهم بيكسبوا من وراه حوالي 16 مليار دولار يومياً، وفى النهاية العلاج الكيماوي بيفشل في القضاء على الكانسر ويدمر الجهاز المناعى.
