رضوى الشربيني مذيعة خصصت نفسها لمشاكل المرأة وتحاول أن تعطي نصائح للتعمل بطريقة طيبة بين الزوجين، وخرجت خلال الفترة الأخيرة وتحدثت عن انها توافق على فكرة الزواج غن وجدت رجل تحبه .
اتعرف عنها إنها دايما بتقف جنب الستات عشان يعيشوا حياة مظبوطة مع الرجالة بتوعهم، رضوى الشربيني تلاقيها مرة بتقول للست خلي عندك كرامة ولما يجي يضربك اقفي قدامه وواجهيه، ولما واحدة تقولها إن جوزها طيب وهي اللي بتعامله معاملة مش مظبوطة شوية فهي اللي تقولها عامليه حلوة يا ماما عشان ميشوفش زميلته اللي في الشغل أو هي تعامله حلو ويسيبك.
الحجاب في حياة رضوى الشربيني
رضوى الشربيني شايفة إن الحجاب ده حاجة ضرورية في حياة المرأة بس هو حرية ممكن واحدة تلبسه والتانية لأ، مش بس كده دي عندها قناعة إن الحجاب زيه زي أي حاجة المرأة بتعملها يعني لو لبست أي حاجة الناس شايفاها إنها مش أد كده فعادي بردوا دي راحة شخصية.
الأهم بقى من ده كله إنها بتستغرب من النوادي وأماكن السهر بقت دلوقتي ممكن تمنع إن واحدة محجبة تدخل، كمان قالت يعني لو أنا قررت إني ألبس الحجاب مش هعرف أخش النادي أو أروح أسهر في مكان من الأماكن ده ميصحش خالص، هو عشان الواحدة ترضي ربنا تيجي العباد يحرموها من حياتها والاستمتاع بيها.
ارتداء رضوى الشربيني للحجاب
كمان رضوى الشربيني قالت في برنامج تلفزيوني إنها ممكن تلبس الحجاب في الفترة اللي جاية، عشان هي شايفة إن الحجاب ده حاجة كويسة ومفيش مانع إن أي واحدة تلبسه.
زواج رضوى الشربيني من 16 راجل
رضوى بردوا كملت كلامها وقالت إن في ناس كتير اتكلمت عن إنها اتجوزت 13 مرة، وفي ناس تانية قالت إنها اتجوزت حوالي 16 مرة، مش بس كده الإشاعات اللي بتطلع عليها كل يوم أكتر من اللي قبله.
بس رضوى بقى معجبهاش الكلام ده وردت عليه وقالت يا جماعة ياللي عمالين تطلعوا في إشاعات أنا أصلا متجوزتش والله إلا مرة واحدة والمرة دي خلفت منها بناتي، ومن بعدها لحد دلوقتي وأنا متجوزتش خالص.
زواج رضوى الشربيني من ثري عربي
الإشاعات اللي طلعت على رضوة موقفتش لحد هنا، ده كمان طلع عليها إنها اتجوزت من ثري عربي ورجال أعمال، بس هي طبعا معجبهاش الكلام ده وقالت إن الناس لما طلعت وقالت كده ولا انا اتهزيت ولا حتى الكلام ده هز في شعراية.
مش بس كده دي كمان قالت أنا ياجماعة الحمد لله معملتش في أي يوم من الأيام حاجة تكسر عيني، ومفيش راجل يقدر يكسر عيني، أو يطلع يقول إديت رضوى مليم.
زواج رضوى الشربيني
رضوى خصلت كلامها وقالت إنها بتحترم نفسها في شغلها وبتقدم حلقات برنامجها، وبتحاول تساعد الستات، مش بس كده دي كمان ضافت إنها لو فكرت في يوم من الأيام إنها تتجوز فهيكون اللي هي هتتجوزه ده عشان بتحبه مش عشان هي عايزة راجل يصرف عليها.
