نجمة اسمها معروف ومن أهم الممثلات يمكن ظهرت في وقت كان ممكن لو ركزت يكوت ليها مسلسلات وأعمال بطولتها حاليا، وهي التي شهد لها خالد يوسف وقالها إنتي تاني أحسن ممثلة عندي بعد منة شلبي.
في وسط مشاكل وخلافات كتير، وقصص في حياتها مش لطيفة، بقت تغيب وتظهر، وفي الآخر ابتدت تظهر تاني للنور، بعد ما قربت تتم الــ40.. في منة فضالي
ممثلة مصرية مشهورة بدأت حياتها الفنية في مطلع الأفلينات، وهي مش خريجة معهد فنون مسرحية ولا حاجة، هي خريجة سياحة وفنادق، واشتغلت في مجال الإعلانات زي نجمات كتير، لحد ما جالتها الفرصة تدخل مجال الفن، وبالفعل كانت البداية من خلال مسلسل أين قلبي سنة 2002، فترات تألق منه فضالي كانت ما قبل 2010، ومن بعدها بقينا نشوفها في أعمال ضعيفة وبأدوار صغير، وتغيب وتختفي وترجع تاني بعد فترة بمشكلة جديد.
منة فضالي من النجمات اللي عندهم موهبة كبيرة، ويمكن لو كانت حافظت على مسيرتها بشكل منتظم كانت حاليا مش هتقل عن منى زكي ومنة شلبي أو ياسمين عبدالعزيز وحنان مطاوع وريهام عبدالغفور، وكتير من النجمات اللي ليهم أعمال من بطولتهم، ولكن هي اللي نقدر نقول عليها «بضاعة أتلفها الهوى».
بتشارك الفنانة منة شلبي خلال موسم رمضان الحالي بمسلسلين، نرجس في مسلسل جعفر العمدة، وفاطمة في مسلسل سره الباتع، وقدرت تقدم دورها بشكل مميز في العملين.
ولكن في النهاية هي بتاخد دور صغير وسط عمل أكبر ناجح، ولكن اختيارتها الفنية اتحسنت، ولكن المهم إنها كان ممكن تقدم اللي أكبر من كدة، زي ما قولنا لو قدرت تحافظ على مسيرة فنية حقيقية.
شخصيتها في مسلسل جعفر العمدة بتشبه حياتها كتير، لو شوفنا دورها هي طالعة ليها أم بتعمل سحر للناس، وهي بتروح معاها في كل حتة، وده يفكرنا بتصريحات قديمة ليها كانت بتقول إنها كان معمولها عمل في بطن سمكة واتفك لما السمكة دي ماتت.
شخصية نرجس في جعفر العمدة هي الزوجة التالتة، اللي طيبة وطايشة وعلى نياتها وبتتصرف تصرفات غلط كتير، يمكن منة فضالي في الحقيقة تكون كدة وليها أزمات كتير مشهورة بسبب تهوروها وطيشها، منا عيد ميلادها لما ظهرت بلبس جريء وفي أحضان ناس كتير، ومنهم محمد فؤاد اللي قال إنها تعمدت تتصور معاه كدة عشان تنزل الصور دي، وكان خلاف ما بينهم.
مش بس كدة، منة فضالي عشان تعوض غياب أبوها عن حياتها، كانت بتروح تحب ناس أكبر منها بـ20 و30 سنة، ولما اتجوزت كان جوزها أكبر منها بـ20 سنة في علاقة استمرت 7 شهور بس، ووالدتها مكنتش راضية عليها تماما.
خلافها مع عايدة في جعفر العمدة واللي بتعمل دورها الفنانة زينة، بيفكرنا بوقوفها في صف الفنان أحمد عز في أزمته مع زينة، الخاصة بنسب الأولاد، ولكن لما اشتغلوا مع بعض في العمل، منة فضالي قالت مفيش بيني وبين زينة خلاف إحنا مش صحاب وبنمثل مع بعض عادي.
منة فضالي معندهاش مانع تكون زوجة تانية في حياتها الشخصية، ولكن رفضت تكون زوجة تالتة، وحطت شروط للموافقة على عرض الزوجة التانية، إن يكون زوجته مريضة أو مبتخلفش.
شخصية نرجس في مسليل جعفر العمدة هي من النوع اللي هو مكنش بيحبها، ولا هي بالنسباله الأولى ولا الأمهم ولا الأجمل، مجرد واحدة اتجوزها عندي في الاتنين اللي قبلها، ومنة فضالي في حياتها الفنية اختارت لنفسها متكنش الأهم ولا الأنجح ولا الاختيار الأول للمخرجين بسبب رحلتها المتقلبة.
آخر حاجة منة فضالي بتسعى إنها تتجوز خلال الفترة الجاية عشان تنجب أولاد لأنها مش عايزة يجي عليها وقت تحس إنها وحيدة في الدنيا، ويمكن ده شبه حياتها الحقيقية لأنها اتجوزت مرة واحدة ومعندهاش أولاد.
