كشف الفنان حازم إيهاب، عن سبب وفاة ابنه بعد أيام من ولادته، موضحا أنه كان يعاني من أمراض في القلب.
وقال حازم إيهاب، : «الحمد لله، عمري ما كرهت اللي حصل، ولا حتى اتضايقت، بعد 4 شهور من الجواز، مراتي كانت حامل، وقلت إن الولد بيجي برزقه، والدنيا كانت ماشية كويس، لحد ما اكتشفنا في الشهر الخامس إن في مشكلة في قلب الجنين، مكنتش قادر أقول لمراتي، خفت أقتل جواها الأمل، وكنت دايمًا بحاول أطمنها، بس كان جوايا رعب من فكرة إن أكون منعت معجزة، وربنا قادر على كل شيء وخدت رأي الأزهر وقالي في الحالات د بيجوز إجهاضه».
“الأزهر وافق على إجهاضه”.. حازم إيهاب يكشف سبب وفاة نجله
وأضاف: «يونس عمل عملية بعد ساعات من الولادة، والدكتور عبدالرحمن في مستشفى مجدي يعقوب عمل كل اللي يقدر عليه، بس كنا متأخرين”.
وتابع: “العضلة كان لازم تشتغل قبل الولادة، في اليوم الـ13 دخل العملية التانية، واستمرت 4 ساعات، والدكتور خرج وقالي إحنا حاولنا، بس جسمه بدأ ينهار، كانت صدمة، أنا كنت حضرّت سريره، وصدّقت إنه هيعيش، بس الحمد لله انتهت الحدوتة بسرعة، وده كرم من ربنا، في ناس بتقعد شهور وسنين».
وشارك حازم إيهاب مؤخرًا في مسلسل «أشغال شقة جدا» الذي عُرض ضمن الماراثون الرمضاني 2025، العمل من بطولة هشام ماجد، مصطفي غريب، أسماء جلال، شيرين، محمد محمود، أحمد عبدالوهاب، محمد عبدالعظيم، سلوى محمد على، وآخرون، ومن إخراج خالد دياب.
اقرأ ايضا:
“متجوز في السر”.. إعلامية لبنانية تفجّر مفاجأة عن وائل كفوري
