واحدة من أشهر عارضات الأزياء في العالم، الفرنسية مارين الحيمر أعلنت إسلامها من كام يوم،مارين نشرت صور لها وفيديوهات على انستجرام وأعلنت إسلامها من أمام الكعبة المشرفة، و نشرت فيديو وهي تنطق الشهادتين لإشهار إسلامها، فمن هي مارين الحيمر وايه علاقتها بنجم الزمالك؟ هذا ما نتعرف عليه من خلال التقرير التالي:
مارين الحيمر نشرت فيديو بتعلن فيه اسلامها وعلقت عليه وقالت: فيه طرق لازم تمشيها لوحدك بدون أصدقاء أو عائلة أو حبيب، فقط مع الله.
مارين الحيمر قالت إنها مسلمة من حوالي كذا شهر ومش بس الفترة ديه، ووضحت أنها كانت متحفظة على الموضوع ده وأن القريبين منها بس هما اللي كانوا عارفين الكلام ده.
عارضة الأزياء الفرنسية قالت إنه مقالتش للمتابعين بتوعها عن إسلامها لأن ده أمر خاص بحياتها الشخصية فقط، ومقتصر معرفته على العائلة والمقربين، وقالت إنها أعلنت إسلامها للجمهورها لأنها تعتبرهم عائلتها الثانية.
الحيمر قالت كمان إنها فخورة بالاختيار ده اللي جاي من جواها من روحها وقلبها عقلها وأنه مفيش عيب في التغيير من دين إلى دين تاني، وأنها تطورت بشكل كويس منذ العام الماضي بعد ما رجعت وفكرت في ترتيب حياتها.
مين هي مارين الحيمر؟
مارين الحيمر هي عارضة أزياء فرنسية وأصولها من والدها بتعود إلى المغرب ومصر، أما والدتها فهي فرنسية.
مارين عندها حوالي 29 سنة واتولدت سنة 1993 في مدينة بوردو الفرنسية، وتعمل مارين الحيمر كعارضة أزياء، وتقيم في باريس ودبي. وبيتابع مارين الحيمر أكثر من 1.4 مليون على انستجرام.
مارين الحيمر هي مقدمة برنامج فى تلفزيون الواقع الفرنسي وكمان عندها مدونة موضة حيث تعلق بالأزياء والفاشن على وسائل التواصل الاجتماعى.
مارين الحيمر كبرت وعاشت فى فرنسا ولكنها بتعتز بعروبتها وحصلت على الجنسية المغربية في الفترة اللي فاتت.وبتحب تسافر وزارت بلاد كتير من بينها مصر وبالي وجنيف.وبتعتمد مارين الحيمر على موقع إنستجرام كوسيلة أساسية على السوشيال ميديا للتواصل مع الجمهور.
دايمًا مارين بتفخر بجذورها المصرية عبر السوشيال ميديا، وبتشارك جمهورها بصور من داخل الأماكن التاريخية في مصر زي الأهرامات، والحسين، وبالمراكب في النيل.
مارين الحيمر ليها اخت توأم اسمها أوشين الحيمر، خضعت مارين للعديد من العمليات التجميلية اللي غيرت ملامحها وشكل جسدها تمامًا بنسبة كبيرة، منها تجميل الأنف والأسنان.
اتعرضت مارين للعنف الأسري، على إيد جوزها السابق جوليان جيرادو عام 2020، وفي الفترة اللي فاتت وبالتحديد سنة 2021 انتشرت إشاعات كتيرة بتقول إن مارين الحيمر ارتبطت باللاعب المغربي أشرف بن شرقي نجم نادي الزمالك السابق ولاعب الجزيرة الإماراتي الحالي، ولكن مارين مردتش على الأخبار ديه سواء بالنفي أو التأكيد.
الأخبار اللي انتشرت ديه كانت بسبب زيارة مارين الحيمر لمصر في الفترة اللي فاتت، ونشرها صور مع أشرف بن شرقي قبل ما يمشي من الزمالك، وعشان كدة المتابعين والجماهير فسروا الموضوع أنها مرتبطة بالنجم المغربي.
