7 كانوا في الاصل ضباط شرطة، لكن من حبهم للتمثيل خلعوا البدلة، ووقفوا أمام الشاشة وأصبحوا نجوم كبار، لكن هل يتخيل أحدكم إن واحد منهم كان ضابط مهم قدم للوطن خدمة قومية مسجلة في التاريخ بإسمه حتى اليوم؟ هذا ما سنتعرف عليه من خلال التقرير التالي وسنكشف مفاجآت عديدة.
محدش يتوقع ابداً إن الفنان الكوميدي “أكرم حسني” كان ضابط شرطة، قبل دخول مجال الفن.ومش كدة وبس ده “اكرم” قعد لابس بدلة الشرطة لمدة 10 سنوات، اتنقل فيهم بين الاقسام في مناطق مختلفة.
اكرم حسني أهله رفضوا في البداية انه يسيب جهاز الرطة علشان يبقى فنان، لدرجة إن عدد من أهله اعتبروا اللي بيعمله ده «سفه” على حد تعبيره.
ورغم استقالته من العمل بالشرطة إلا أن أكرم اعترف أنه كان حابب شغله الاصلي بالبدلة الميري، لكن حبه للفن كان أكبر.
الغريب بقى إن أكرم حسني رجع لبس بدلة الشرطة مرة تانية لكن في دور سينمائي من خلال عمله الجديد في فيلم البدلة.
كمان الفنان الكبير محمود قابيل برضه كان ضابط قبل اشتغاله في الفن لكن سابها وبقى ممثل كبير.قابيل اتخرج من الكلية الحربية سنة 1964، اشتغل ضابط قوات مسلحة وكمان شارك في مواجهة 1967 ضمن وحدات الاستطلاع.
محمود قابيل شارك في مواجهات الاستنزاف، وفيها أصيب 3 مرات أثناء العمليات الحربية.لكن منعته إصابته من المشاركة في نصر أكتوبر ما استدعى نقله إلى عمل إداري بالمؤسسة العسكرية.لكن محمود قابيل بعد إصابته وتكليفه بعمل اداري رفض ده وقرر الاستقالة من الجيش والإتجاه للفن.
أما الفنان “أحمد مظهر” فكان هو كمان ضابط جيش، وكان واحد من الضباط الأحرار مع الزعيم ناصر في ثورة 23 يوليو سنة 1952.
الملفات الرسمية قالت إن احمد مظهر رفض يذكر إسمه في طليعة الضباط الاحرار واشتراكه في الثورة لأنه شاف إن دوره في توعية الجماهير من خلال السينما أهم.
لكن بعد سنوات من شغله بالبدلة الميري، استقال أحمد مظهر من الجيش برتبة عقيد وتفرغ لإبداعاته في السينما.
الفنان الكبير “سمير غانم” بعض الناس عارفة إنه اتخرج من كلية الزراعة، لكن اللي محدش يعرفه إنه كان في كلية الشرطة قبلها.
استمر سمير غانم في كلية الشرطة لمدة سنتين قبل ما يتم فصله بسبب رسوبه في 3 مواد في السنة الأولى والثانية من أكاديمية الشرطة.
سمير غانم في مرة قال إن ابوه كان مامور قسم، ومكانش حابب يكمل في كلية الشرطة بسبب التمارين والتعليمات الصارمة.
فقرر بسببها ويروح كلية الزراعة، وده اللي زعل منه أسرته، وبالأخص ابوه باعتباره كان ضابط شرطة.ليقرر سمير قفل صفحة الشرطة والتركيز في المسرح ليصبح من أهم الكوميديانات في تاريخ السينما والدراما.
وبرضه الفنان “إيهاب نافع” وده حكايته حكاية، كان ضابط من طراز فريد كان إيهاب “الطيار الخاص” للرئيس الراحل جمال عبد الناصر.واتمكن إيهاب نافع صاحب الوش الهادي من خداع أكبر رأس في جيش الاحتلال بعملية قومية مسجلة بإسمه لحد النهاردة.
بتقول ملفات جهاز المخابرات المصري إن إيهاب نافع اتكلف بمهة وطنية أقنع من خلالها “عزرا وايزمان” قائد قوات العدو اللي بقى رئيسً الدولة بعدها بأنه عميل مزدوج.
فكان إبهاب بياخد منه المعلومات مقابل إعطائه معلومات مش حقيقية بالاتفاق مع ضباط المخابرات المصرية.وده اللي قالنه بنته الفناتة غادة نافع إن أبوها هو اللي قام بتوصيل الأوراق الخاصة بخط بارليف من رأفت الهجان لمصروبرغم كل ده قرر إيهاب التخلي عن كل المغامرات في حياته، ويدخل مغامرة جديدة وارتبط بعالم الفن.
غير كدة بقى هل حد يتوقع إن الفنان احمد السقا رفض مجال الشرطة علشان يبقى ممصل مشهور؟ ..السقا بوه زعل منه لما سحب ملفه من كلية الشرطة وقدمه فى معهد السينما، ليصبح السقا من أهم نجوم جيله، واستغل حبه للشرطة في عمل أقوى أفلام الأكشن
والفنان صلاح ذوالفقار هو كمان كان كدة، ابوه كان ضابط شرطة برتبة عميد، واخوه المخرج عز الدين كان ضابط في الجيش، لكن صلاح التحق بكلية الشرطة وكان من زمايله في نفس الدفعة الوزراء أحمد رشدى والنبوى إسماعيل وزكى بدر ودول أقوى وزراء داخلية مسكوا مصر.
صلاح ذو الفقار اشتغل بسجن طرة ومن حسن حظه إنه كان الضابط المكلف بحراسة الرئيس أنور السادات لما كان متهم في قضية اغتيال أمين عثمان
وكان صلاح ذو الفقار واحد من أبطال البوليس اللي تصدوا لـمواجهات الشرطة بالإسماعيلية واللي بقت مناسبة رسمية وعيد للشرطة بعدها.وقدم صلاح ذو الفقار دور ضابط شرطة في فيلم الرجل الثاني وضابط.طيار في فيلم غروب وشروق.
اخيرا الإعلامي طارق علام له نفس الحكاية واللي محدش يعرفه عنه أنه كان ضابط شرطة واستمر فيها لخد رتبة رائد.
علام اتخرج من كلية الشرطة والتحق بقطاع الأمن المركزي، ومنه لقطاع العلاقات العامة، ودرس الإعلام وحصل على الماجيستير.
“طارق علام” لما عمل برنامج المواجهة وكلام من دهب وقتها كان لسة ضابط شرطة، وبعد نجاحه قرر يخلع البدلة الميري ويهتم بالإعلام.
