علق الإعلامي عمرو أديب، على خسارة الأهلي بخماسية أمام فريق صن دوانز مقابل هدفين ببطولة دوري أبطال افريقيا، الساعات الماضية.
وقال عمرو أديب خلال برنامج “الحكاية” :”الموضوع ليس إن الأهلي اتغلب 5-2، ده أمر اتعودنا عليه مؤخرًا، لأنه بيخسر أربعات وخمسات كتير”.
«بشأن رحيل الخطيب».. تعليق مفاجئ من عمرو أديب بعد خسارة الأهلي أمام صن داونز
وأضاف أديب،:”الأهداف اللي دخلت النهارده بتقول إن الأهلي محتاج يبني حيطة، مش يجيب لعيبة جديدة للدفاع، الأهداف تقف تتفرج عليها زي ما الشناوي بيتفرج، حاجة صعبة”.
وأكمل: “صن داونز كان بيعمل اللي هو عايزه في الماتش، مفيش ضغط ولا دفاع ولا أي حاجة، لم نرى الأهلي اليوم، مكنش في روح الفانلة الحمرا ولا الشورت الأبيض حتى، لم نرى فريقًا يلعب في الملعب.”
وأشار عمرو أديب: ” خرجت هاشتجات من جماهير النادي الأهلي تطالب برحيل محمود الخطيب؛ هذا لم نشهده من قبل، جمهور الأهلي لم يتعامل بهذا الأسلوب مع الخطيب من قبل.”
وأضاف: “مطالبة الأهلاوية برحيل الخطيب تعني وصول الروح إلى الحلقوم، تدهور مستوى الأهلي في المباريات الأخيرة وراء هجوم جماهيره على إدارة الخطيب، الناس وصلت لمرحلة إنه نفسها تجيب المرحوم صالح سليم بدل الخطيب”.
