وجه الفنان تامر حسني، رسالة مفاجئة للبلوجر سارة محمد، التي تعرضت لحادث مأسوي فقدت على إثره بصرها، الأيام الماضية.
وكتب تامر حسني عبر تويتر: “معرفش الكل يعرف قصة ساره او لاء بس سهل اوي للّي ميعرفش انه يعرف …. بحق الليله الفضيله دي يا ساره ليلة النصف من شعبان ربنا يكرمك و ميعديش بكرا الا و انتي سامعه خبر جميل يطمنك ان عينك هترجع تاني ان شاء الله ادعوا معايا يا جماعه انا متفائل خير ليها اوي”.
تامر حسني يفاجئ الجميع برسالة غير متوقعة لـ البلوجر سارة
وتابع: “وكل الشكر لموقف ريهام سعيد معاها من اول المحنه اللي بعون الله ساره بقوتها و ايمانها بربنا هتخليها (منحه) وكل الشكر للفنانين الطيبين ولاد البلد الجدعان اللي اهتموا بيها سعد و شيبة“.
وأضاف: “وانا قريب ان شاء الله هاجيلها و كل الشكر للناس الجميلة اللي بيروحولها اسكندريه يهونوا عليها،دعوات الكل اليوم ده مهمه اوي يارب يارب تفرح قلبها و تشفيها و تهون عليها و تفرحنا بأجمل خبر ليها يارب يارب يارب تشفيها و تشفي كل مريض اللهم آمين“.
وفي وقت سابق، قال مصطفى، خطيب سارة في مداخلة هاتفيه مع الإعلامية ريهام سعيد، قائلا: «أنا بوجه كلامي دا لكل الناس ولسارة، أنا بحبها وسألت عليها من أول يوم الحادثة وكنت معاها وروحت معاها البيت، كنت بروحلها المستشفى وأسال عنها بس أهلها رافضين».
وتابع: «أنا من وقت الحادثة في المباحث ومشغول، وأنا طلعت البيت أكتر من مرة بس أهلها رفضوا الزيارة وكل يوم بكلم والدها، وإحنا هنكمل الخطوبة عادي وهنجيب الدبل، بس مش وقته إننا نكتب كتاب، وأهم حاجة اطمن على سارة والفرح خلال 6 شهور».
