في العادي مسلسلات رمضان تواجه أزمات دائما في اللحظات الأخيرة، لكن تكون في تأخير الإنتاج. ومواعيد التصوير المش مظبوطة.. ورمضان بيهجم فجأة وبيكون لسه في شغل كتير مخلصش.. إنما مسلسل معاوية بقى حكايته حكاية.. تعالوا نعرف اللي حصل
جدل كبير بيحصل دلوقتي حوالين مسلسل معاوية.. اللي بيخرجه طارق العريان.. وبقاله كام شهر مقيم في تونس عشان يخلصه قبل رمضان.. ورغم السرية الكبيرة المفروضة على العمل.. إلا إنه دلوقتي في مرمى سهام كتيرة جدا
ردود الفعل على مسلسل معاوية متوقعة.. بس كانت الناس فاكرة إنه ده هيحصل لما يبدأ العرض.. لإن التجربة أصلا مختلفة.. وفيها عناصر مهمة
مسلسل معاوية من تأليف خالد صلاح.. وإخراج طارق العريان زي ما قلنا.. وبيتناول قصة حياة.. معاوية بن أبي سفيان.. مؤسس الدولة الأموية في الشام
القيادي الشيعي في العراق.. مقتدى الصدر.. قال في تغريدة شديدة اللهجة عن المسلسل.. .. إنه لو موقفوش الإنتاج ولغوا عرضه في رمضان.. مش هيحصل كويس
واكد الصدر في التغريدة بتاعته .. إنه mbc لازم تتراجع عن إنتاج العمل ده.. وإنه فتح القصة دي هيجدد الجرح الإسلامي.. اللي هو ايه بقى؟؟.. هقولكم
الصدر اوضح في التغريدة إنه معاوية بن أبي سفيان.. ده كان رأس الفتنة الطائفية.. وأول واحد ابتكر بدعة سب الصحافة.. وأول من خردج على إمام زمانه.. وشق صف الوحدة الإسلامية
يعني من الآخر الراجل مسيرته مش على هوى التيار الإسلامي اللي بيعبر عنه مقتدى الصدر.. وعشان الراجل ميبقاش شديد أوي في كلامه.. داعب السعودية بكلمتين.. وقالهم إن تقديم مسلسل زي ده مخالف للسياسات الجديدة المعتدلة التي انتهجتها المملكة العربية السعودية الشقيقة
بس الموضوع مش ببساطة إنه يلا نلغي المسلسل.. معاوية اللي بيتصور في تونس من الصيف اللي فات.. اتصرف عليه ميزانية دخلت في حوالي 3 مليون دولار.. ومتصور في 3 مدن تونسية مختلفة
ومن جوه الكواليس كده عرفنا ان الموضوع كبير وضخم يا جماعة.. وشركة الإنتاج مش هتتراجع عن الخطوة دي لو حصل ايه.. وهما مش جايبين سيرة معاوية كلها.. بس هتتطرق الأحداث للفتنة الكبرى اللي بدأت بعد استشهاد الخليفة عثمان بن عفان، مروراً بتولي الإمام علي الخلافة وبعدين استشهاده.. ومصادرنا جوه المسلسل قالت إن التصوير بيحصل فيه عظمه حقيقي.. وهتشوفوا في رمضان عمل محصلش
مش بس كده المسلسل كمان هيعرض معارك حصلت في وقت تولي الحسن الخلافة وتنازله لمعاوية.. واستشهاد الحسين في كربلاء.. وقصة كبيرة أوي سعادتك
المسلسل اللي بيقوم ببطولته الممثل السوري لجين إسماعيل.. وهو اللي هيعمل شخصية معاوية.. بيشارك فيه برضه إياد نصار في دور الإمام علي بن أبي طالب.. وعائشة بن أحمد .. وأسماء كبيرة جدا من الوطن العربي
الناس كلها برضه مستنية إن الأزهر يرد خلال الفترة اللي جاية على الموضوع ده.. ويحرم أو يبيح إنه يتعرض عمل عن الصحابة في شهر رمضان فيه جدل كبير
