كشفت الإعلامية إيمان رياض عن تفاصيل إصابتها بشرخ في العظمة وارتشاح بالحوض، موضحة أنها أصيبت أثناء مسح العاملين لسلالم داخل مطعم.
وكتبت إيمان رياض عبر صفحتها على موقع التواصل الاجتماعي فيس بوك : هو طبيعي إن مطعم ولا كافيه يمسح الأرض والسلالم بالصابون والمياه، والناس طالعة نازلة على السلم من غير يافطة ولا مثلث التحذير، والغريبة إن مفيش ولا اعتذار ولا أي نوع من الاهتمام!! هي الناس وصلت لكده إزاي وامتى؟ .
خبر صادم وحزين عن الإعلامية إيمان رياض.. ماذا حدث؟
وتابعت: يا حضرات ده أنا وقعت قدامكم ومن شدة الألم أغمى عليا! وبقيت بصوت لأول مرة في حياتي بالمنظر ده!! فضلت اكتر من ساعة على السلم مش بتحرك من كتر الوجع والرعب يكون جرالي حاجة في العمود الفقري والنخاع الشوكي!! صحابي طلبولي الإسعاف وجت وشالوني قدام الرايح واللي جاي وأنا مش ببطل صويت من شدة الألم !!! في المستشفى بعد الإشاعات والرنين طلع عندي شرخ في العظمة العجزية وارتشاح في الحوض.
وأضافت: واللي يعرفوني عارفين إني إنسانة مش بحب القصص الكتير ولا بكتب حاجة عني شخصية لكن بصراحة المرة دي تعمدت أكتب وأمنشن المكان وبشتكي لإدارة المكان اللي تسبب في اللي حصلي وما حاولوش حتى يعتذروا او يبدوا اهتمامهم بزبائنهم.. الأماكن اللي زي دي مش عارفين إن دي مسؤولية وأرواح الناس مش لعبة.. يا حضرات أنا بسببكم مش عارفة أمشي.
وأوضحت: ستر ربنا مش هيكون فيه تدخل جراحي لكن يجب عدم الحركة حتى يلتئم الشرخ، لكن أنا مع كل ألم ومع عدم استطاعتي للحركة مش مسامحة المستهترين أصحاب الكافيه بعامل النظافة اللي ما يعرفش يعني إيه نظافة في مكان عام !!”
اقرأ ايضا:
