فنانة مصرية لها تاريخ كبير، دخلت قلوب المشاهدين من خلال دورها الجريئ في مسلسل “رأفت الهجان” مع النجم محمود عبد العزيز وبعدها انطلقت في عالم السينما والتلفزيون.. هي الفنانة “تيسير فهمي” اللي تعرضت لأزمة صحية بقالها كم يوم!
من هي تيسير فهمي ولماذا انشغل بها الجمهور هكذا؟ وهل حقا لا تعرف ان تحصل على دور فني منذ 11 عام؟ وما قصة زوجها المريكي؟ كل هذا سنتعرف عليه من خلال التالي:
“تيسير فهمي” بقالها فترة طويلة مختفية ومحدش عارف عنها حاجة، لحد ما ظهر منشور لها على صفحتها الشخصية بموقع التواصل الاجتماعي فيسبوك قالت فيه “إنهم نقلوها لمستشفى “دار الفؤاد” لإصابتها بالجايحة ومتعرفش ازاي، لأنها مخالطتش حد ولا خرجت من بيتها وواخدة الـ3 جرعات.
“تيسير فهمي” قالت للناس تخلي بالها من صحتها لأن الجايحة دي ملهاش كبير والدكتور طمنها وقالها هتبقى كويسه ان شاء الله، وقالت إنها لسه هتعرض الفحوصات والتحاليل بتاعتها على دكاترة كبار علشان تعرف المشكلة فين وتوصيف مرضها إيه هل هي في الصدر ولا القلب؟”.
وعن إمكانية سفرها خارج مصر للعلاج، قالت انها مبتبحبش موضوع العلاج بره مصر، وحالياً هي في بيتها بتتعالج لحد متعرف نتيجة الفحوصات”.
“تيسير فهمي” بقالها أكتر من 11 سنة بعيدة عن الشاشة لان المخرجين رفضوا يرشحوها في أي أعمال من غير متعرف السبب، خاصة إن لها أدوار كتيرة مختلفة ومتنوعة ورحلتها الفنية بدأت وهي طالبة بالمعهد العالي للفنون المسرحية لما شافها المخرج “بركات” وهي بتعمل “مشهد تمثيلي” على مسرح الشباب بالمعهد فخدها معاه فيلم “شباب تحت العشرين” سنة 1979 وبعد الدور ده انطلقت مسيرتها ما بين السينما والتلفزيون.
بعدها شاركت تيسير في التلفزيون من خلال مسلسلات كبيرة منها الغضب والعقاب، وأماكن في القلب، وطبعاً محدش يقدر ينسى دورها في فيلم “التوت والنبوت”، والمسلسل التاريخي “جمهورية زفتى” وغيرهم الكتير.
“تيسير فهمي” اتولدت نجمة كبيرة بترشيح المخرج بركات لها علشان كدة شاركت كبار النجوم زي أحمد زكي اللي عملت معاه فيلمين هما «العوامة 70» و«الليلة الموعودة»، ومسلسل «طيور بلا أجنحة»، ومسلسل «رافت الهجان» في الجزء الأول، اللي قدمت فيه البطولة قدام الفنان محمود عبدالعزيز في دور “سارة” اللي حبها رأفت الهجان قبل ميسيب مصر.
“تيسير فهمي” اتجوزت مرتين الأولى من سمير حجازي اللي رحل عن الحياة في واقعة سير غامضة ومتعرفش السبب لحد دلوقتي، لكن بعد رحيله اتجوزت رجل أعمال مصري بيحمل جنسية أمريكية اسمه “أحمد أبوبكر”، كان عايش معاها في نفس العمارة ولما شافها عجبته فحبها، وهي كمان فاتجوزوا وعمل لها شركة إنتاج فني.
اتجهت “تيسير فهمي” للسياسة وسابت الفن وعملت حزب اسمه «المساواة والتنمية»، ودخلت انتخابات البرلمان عن دايرة “قصر العينى” بجنوب القاهرة.
“تيسير” أخوها دخل مستشفى خاص بالمهندسين للعلاج من الجايحة وفجأة جالها تليفون في اليوم اللي كان هيخرج فيه ورايحة تستلمه قال لها “البقاء لله”، فمكانتش مصدقة ولما سالت قالوا إنه حصل “ماس كهربائي” في جهاز التنفس الصناعي رحل بسببه والمستشفى ضاعت.
وقتها “تيسير” عملت محضر ضد المستشفى لكن التحقيق ثبت وجود “ماس كهربائي” في جهاز التنفس الصناعي واتقفلت القضية بعدما انتهى تقرير المعمل الجنائي لعدم وجود شبهة جنائية وإن رحيله بسبب استنشاق كمية كبيرة من غاز ثاني أكسيد الكربون.
أخيراً..عاوزين تعليقاتكم على الفيديو خاصة إن تيسير فهمي ممثلة كبيرة ونفسها تشتغل تاني ولها أدوار حلوة والناس عارفاها؟
