كشفت الفنانة دينا حقيقة خضوعها لعمليات تجميل، موضحةً أنها لم تخضع لأي عملية تجميل طوال حياتها سوى عملية في الأنف منذ 4 سنوات، وذلك بسبب تعرض الغضروف للسقوط.
وقالت دينا عبر حسابها على موقع إنستجرام: الناس بقت بتقول عن أي واحدة حلوة إنها عاملة عملية تجميل، لأن محدش بقى بيصدق الطبيعي، والحقيقة إني معملتش ولا عملية تجميل في حياتي غير في مناخيري من 4 سنين، لأن غضروفي سقط، وفي التصوير هيطلع مش مظبوط، فعملتها على نفس شكلها القديم.
وأشارت دينا إلى أن الهدف من إجراء العملية لم يكن تغيير شكل أنفها، وإنما إصلاح المشكلة التي تعرض لها الغضروف، مع الحفاظ على ملامحها وشكلها السابق.
تصريحات دينا
وفي وقت سابق، تحدثت دينا عن زيجاتها الـ 9 موضحة أنها لم تدخل في أي علاقة خارج إطار الزواج على الإطلاق، مؤكدة أن هذا السبب وراء زواجها 9 مرات كما أنها تعيش أسعد لحظات حياتها بدون وجود رجل بحياتها.
وقالت الراقصة دينا في تصريحات تليفزيونية: أسعد لحظات حياتي وأنا مش متجوزة والحياة أحلى من غير راجل، والراجل مش بيكملني أنا مكتملة بنفسي مش مستنية حد يكملني، أنا بحب كل اللي حواليا أنا مش جعانة حب أنا شبعانة حب وكل اللي حواليا بيحبوني الحمد لله.
وأضافت الراقصة دينا: الزواج لو بعقد مؤقت يبقى زي الفل، أنا أقدر أتحمل الزواج سنتين وبعدين نفكر هل نكمل ولا نفسخ العقد، الناس بقت بتزهق بسرعة جدًا، وفي الأفراح اللي بعملها في ناس بتطلق بعد 6 شهور، وفي من اللي اتجوزتهم اتجوزني علشان يستغلني ولكني باخد كل حاجتي منه، أخد الحق حرفة.
