صداقتهم استمرت عشر سنين، والوسط الفني كله كان يعرف حكايتهم وقصة تعاونهم الفني، لكن فجأة انتهت هذه العلاقة ببلوك والسبب طبعاً الخلاف على الشغل وعرض عمل فني مشترك بينهم.
بنتكلم عن علاقة الفنان والمنتج هشام جمال بالفنانة دنيا سمير غانم اللي ظهر خلافهم بعد تأجيل عرض مسلسل “عالم موازي” وتفضيل مسلسله “في بيتنا روبوت 2”.
الوحيدة اللي بتحويني وبينا تفاهم كبير
الفنان “هشام جمال” كان في مرة وصف علاقته بدنيا سمير غانم بانها أكبر وأهم من أي عمل لانهم على مدار 10 سنوات عملوا شغل مع بعض، ومحصلش بينهم اي مشاكل او حتى خلاف بسيط”.
“هشام جمال” بيقول إنه ممكن يكون شخص عصبي لكن ده ما أثرش أبداً في علاقته بدنيا لانها الوحيدة اللي بتقدر تحتويه وقت عصبيته، وبينهم تفاهم كبير.
ولما زعلت “دنيا” بسبب تاجيل عرض مسلسل “عالم موازي” وتفضيل مسلسله “في بيتنا روبوت 2” قال “هشام” ان ده طبيعي لأنها ما زعلتش منه خلال العشر سنوات اللي فاتت، في ظروفها دي مش هيقول عنها اي حاجة وحشة.
ومش هي بس اللي انضرت من تاجيل عرض المسلسل.. بالعكس هو كان أكثر واحد انضر، وكان بيتمنى عرضه لكن التغيير اللي حصل في خريطة “رمضان” اللي فات كان هو السبب.
دنيا عملت بلوك لهشام جمال
وعن سبب تأجيل العمل قال “هشام” إن الاتجاه كان عرض مسلسلات 30 حلقة مش 15 حلقة، ولما عرف بده بلغ دنيا سمير غانم، لكن هي مقدرتش تكمل 30 حلقة.
بعدها اتفاجى متابعو “دنيا سمير غانم” على حسابها الرسمي بإنستغرام، بإلغائها متابعة هشام جمال في الوقت اللي قَام فيه عمرو وهبة بإلغاء مُتابَعته هو كمان لكن هشام جمال ملغاش متابعة دنيا لحد داوقتي.
الاتهامات تطارد ليلى أحمد زاهر
“هشام جمال” معجب اوي باداء ليلى احمد زاهر بنت الفنان احمد زاهر ومن اعجابه قال إن نجاحها ده سببه شطارتها والموهبة الكببرة اللي عندها.
وده اللي خلى الجمهور يقول ان هشام بيضرب في دنيا سمير غانم بشكل غير مباشر، بعدما ردت عليه ليلى قالت له “أنها مدينة له بكل النجاحات اللي عملتها، ومستحيل تكون نسخة من حد تاتي.
اتهام ليلى بتقليد دنيا سمير غانم
بعد خلاف “دنيا سمير غانم” مع هشام جمال الجمهور اتهم الاخير بتشجيع ليلى احمد زاهر على تقليد دنيا سمير غانم، لدرجة ان الجمهور اتهمه بمحاولة استنساخ “دنيا” من تاني بعد الانفصال الفني اللي حصل بينهم.
كمان بعد الخلاف بين دنيا وهشام، إلغاء متابعة بعض على إنستجرام، قامت دنيا بمسح كل الصور اللي بتجمعهم.
وده اللي خلى بعض المقربين يتدخلوا بينهم، وفجاة لقوا ليلى زاهر منزلة صورة للترويج لمسلسلها «في بيتنا روبوت» وده اللي اعتبره الجمهور إنها بتعمل كدة عشان تغيظ دنيا.
