لديه نفس طلة ووسامة وجاذبية والده، ولديه حس فني، وابتدى طريقه الخاص، عندما تراه وهو يرقص أو يتعامل ستجد لديه نفس اللطف الهضبة الكبير، قد تجد الابن نسخة مختلفة عن الأب لأنه يعيش في إنجلترا وحياته مختلفة، لكن عندما تراه ستعرف منه هو، إنه عبدالله عمرو دياب.
عمرو دياب عنده 3 أولاد من زوجته السابقة زينة عاشور، وهما عبدالله وكنزي التوأم، وجنى، الابن ده بقى هو اللي هنتكلم عنه انهاردة، وده طبعا بعد ظهوره الأخير في إعلان إحدى شركات الاتصالات وهو بيغني أغنية «ب وح وب وك»، وظهر عبدالله وهو بيستمتع بالأغنية وعمرو دياب بيشاورله اللي هو بيهديله الأغنية يعني.
ظهور عبدالله مع والده الهضبة يمكن مش كتير، لكن دايما بيكون في جو من البهجة والانبساط زي ما عودنا الأب دايما، وآخر ظهور ليه مع والده كان في حفلة خاصة وظهر وهو بيرقص على أغاني الهضبة وكان مستمتع بالأجواء جدا.
عبدالله عمره 23 سنة وهو من مواليد نوفمبر 1999 والأخ التوأم لكنزي، واللي غنالهم عمرو دياب أغنية قمرين، وهما الشقيقين الأكبر لجنا.
عبدالله في لقاء ليه قال إنه خلال فترة إقامته في مصر مكنش عنده تجربة كاملة، لكن هو خرج من مصر وعاش في إنجلترا من 2012، وهناك الحياة في لندن شجعته على إنه يكون الموسيقى الخاصة بيه.
كون فرقة مع Koteri مع اتنين مغنيين شبان من لندن، ومعنى الاسم يعني أشخاص من خلفيات مختلفة يجمعهم شيء مشترك وهو ما هم عليه بالفعل.
وكان أول أغنية ليهم بعنوان Riot واللي حققت نجاح كبير لأنه بعد إطلاقها بـ24 ساعة وصلت لأنها تكون ضمن أكبر قايمة استماع بين أغاني الهيب هوب في المملكة المتحدة.
وأكد أعضاء الفرقة إنهم مهتمين في المرحلة الجاية بتقديم حفلات موسيقية مباشرة قدام الجمهور لأن ده هيساعدهم على الانتشار بشكل أكبر، ومن بين الحاجات الطريفة إن مؤلف كلمات الأغنية قال إنه أكتر مكان بيستمتع فيه بالتأليف هو «الحمام» لأنه بيساعده على التركيز.
وبمجرد نجاح الأغنية، هنا الهضبة عمرو دياب ابنه عبد الله على إصدار أول أغانيه مع فرقته Koteri، وكتب على تويتر: “مبروك لابني عبد الله وأصدقائه على أغنيتهم المنفردة الأولى، إلى الأمام دائما”.
وفي زيارة ليه لمصر، ظهر عبد الله عمرو دياب في عدد من الصور والفيديوهات اللي نشرها على حسابه على إنستجرام خلال زياراته لأماكن شعبية مصرية.
وأكتر صورة لفتت الانتباه كانت صورة عبد الله عمرو دياب وهو قاعد في قهوة بلدي ماسك كوباية شاي وجريدة ورقية الللي فكر الناس بأغنية رصيف نمرة خمسة للنجم عمرو دياب.
وآخر صورة ظهر فيها عبدالله عمرو دياب كانت من أيام مع أصدقائه وكانت في مصر، ومن وراهم خلفية الأهرامات بدون أي تعليق غير حرفين EG ويقصد طبعا بيهم تواجده في مصر.
