أسرار الفنانة هالة صدقي وقصة تغيير ملتها من أجل الطلاق

فنانة لها إطلالة مميزة يعني كوميديانة على ممكن تطلع بدور راقصة، والتراجيديا، هالة صدقي قدمت أدوار كثيرة في السينما والمسرح والدراما التلفزيونية.

مش بس كده دي طلعت بدور ناظر المدرسة في هي فوضى واللي قدرت تخرج أجيال في أوقات صعبة مرت بها البلد، بس يا ترى إيه قصة تغيير هالة صدقي ملتها عشان تطلق جوزها؟، وليه سبب دخولها الفن كان السباحة؟، كل ده وأكتر هنعرفه في التالي:

ناس قليلة اللي قدرت تنافس على لقب كوميديان، لكن الفنانة هالة صدقي أثبتت مكانتها وبجدارة، مش بس في أدوار الكوميديا دي كمان قدرت بصمتها بأعمالها وشخصيتها السلسة والسهلة، زي مثلا توحيدة في أرابيسك، مش بس كده دي كمان أكتر واحدة قدرت تعمل دور الرقاصة بطريقة جديدة.

عاشت طفولتها في أمريكا

الفنانة هالة صدقي من مواليد يونيو 61، عاشت أغلب طفولتها في أمريكا، وعشان كانت طفلة شقية جدا والدتها كانت دايما تعاقبها بالضرب، لكن ده مكنش بيدايقها بالعكس دس كانت بسبب شقاوتها كانت بتتعمد تعصبها أكتر.

بطلة في السباحة

كمان الفنانة هالة صدقي كانت في صغرها من أبطال السباحة، وبسبب هوايتها دي دخلت مجال الفن بالصدفة، والحكاية إن المخرج نور الدين الدمرداش كان بيدور على بنت تكون سباخة شاطرة، ولما شافها في نادي من النوادي عرض عليها التمثيل، وفعلا وافقت وكانت البدايه في فيلم «لا يا ابنتي العزيزة»، ورغم نجاح الفيلم جدا، إلا إن أهلها كانوا رافضين فكرة دخلوها الوسط الفني نهائي.

مشاور هالة صدقي

مشوار هالة صدقي الحقيقي بدأ مع النجم المصري محمد صبحي، من خلال المسلسل الشهير “رحلة المليون”، ومن وقتها بدأت رحلتها وخبطت على كل أبواب الشينما والتلفزيون، ويمكن شهرتها بدأت من مسلسل « ليلة القبض على فاطمة»، وبعدها “نص أرنب” و”لا تسألني من أنا” وغيرها.

هالة صدقي مقدمة برامج

سنة 2012 هالة صدقي اتجهت لتقديم البرامج، وكان أول حاجة ليه «نواعم وبس»، ومن بعده برنامج «السفيرة عزيزة»، لحد مارجعت للتمثيل تاني وكانت آخر أعمالها « صفصف» مع الفنان محمد رمضان، في مسلسل «جعفر العمدة».

غيرت ملتها وخلعت جوزها

هالة صدقي أول ست مسيحية تقدر تخلع جوزها، رغم إنها لمدة تسع سنين بتحاول تعمل ده، لكنها مقدرتش غير لما غيرت ملتها من القبطية الأرثوذوكسية للسيريانية الأرثوذوكسية، ده بعد 5 شهور بس جوازها من مجدي وليم وخطوبة سنتين، وكان الوسيط بينهم أصحابها، لكنها لما فعلا اطلقت، عملت حفلة كبيرة وعزمت كل أصحابها، وغنى في الحفلة محمد منير ومحمد فؤاد.

زواج هالة صدقي

بعدها اتجوزت هالة صدقي من رجل الأعمال سامي زكريا، واللي كان أغر منها بـ7 سنين وخلفت منه توأمها يوسف ومريم بعد ما تخطت الأربعين سنة.

طلاق هالة صدقي

وفي نوفمبر 22 الفنانة هالة صدقي كانت اطلقت من زوجها الثاني ووالد أولادها الاتنين سامح سامي، بعد اتهامات وخناقات ملهاش آخر، من الاتنين تجاه بعض.

زوجها أنكر نسب عياله

زوجها اتهمها بإنها أجرت بويضات عشان تقدر تخلف، وقال إن الأولاد مش أولاده، لكن هالة صدقي مسكتتش رفعت ضده قضية بالتشهير وقالت إن كل القضايا اللي هو بيرفعها دي بس عشان خاطر مش عاوز يصرف على عياله، لكنه معملش أي حاجة غير إن قلل النفقة شوية، لكنها رجعت ورفعت قضية نفقة مدرسية بـ50 ألف جنيه استرليني خاصة بأولادها.

هالة صدقي معمول ليها عمل

الفنانة هالة صدقي قالت إن كل اللي بيحصلها ده بسبب إن معمول ليها عمل، كمان فيه شخصية قالت ليها إن حد عمل ليها عمل ورماه في بيت خاص بيها، والغريبة إن البيت ده محدش يقدر يعرف مكانه غير ناس قليلة جدا، يمكن هي مصدقتش بس هي شكت بسبب حياتها اللي اتلخبطت فجأة، لكنها وبسبب قربها من ربنا مخافتش من أي حاجة.