أدلت الفنانة صابرين، بشهادة حق في أزمة الإعلامية بوسي شلبي وأسرة الفنان الراحل محمود عبد العزيز.
وقالت صابرين في شهادتها: “شهادة أمام الله مرتين محمود عبد العزيز الفنان المحترم الكبير كلمني علشان زوجته بوسي شلبي صديقتي منذ الطفولة مرة يوم وفاة اختها الإعلامية الكبيرة بنت الاصول أحلام شلبي كلمني للوقوف بجانب زوجته بوسي شلبي”.
وأضافت: “وتاني مره يوم كانت بوسي رايحه تعمل اشاعه لأنهم كانوا فاكرين ان فيه اعوذ بالله مر ض خطير لبوسي وكانت رايحه لوحدها من غير ماتقول لحد كلمني محمود وهو بيبكي والله علي ما أقول واكتبه شهيد ان اجري علي زوجته بوسي واروح معاها علشان مش عاوزه حد يعرف ومحمود كان عارف ان بوسي لازم صديقتها تكون معاهاحسيت ساعتها ان طفل بيبكي علي أمه ورفيقةعمره وقعدت اهديه واقوله ماتقلقش يامحمود هروحلها وهتكون زي الفل وفعلا عملت الاشاعه والحمدلله طلعت مافيش حاجه وأنها الحمدلله بخير وكنت معاها في المستشفى”.
وتابعت: “طول مامحمود كان تعبان وطبعا قبل كل ده ذكريات كتيره بتجمعنا في فرش بيته اولا اللي في المهندسين وبعدين بيته اللي في زايد كل ده ربنا شاهد عليه ومافيش نقاش تماما لتبرئة المحترمه اللي اشهد علي حبها الوحيد وان اول وأخر حب في حيتها كان لزوجها محمود عبد العزيز حتي يومنا هذا لا قبل ولا بعد”.
واستكملت: “وبوسي قادره علي أخذ الحق ولكن اللي تعبني جدا واللي صعبان عليه وحزينه من قلبي عليه هو المحترم والأستاذ الكبير محمود عبد العزيز اللي فارق حياتنا وهو عند الخالق وبعد ٩ سنين من وفاته ليه يحصل فيه كده بجد حزينه ومذهوله ومخضوضة”.
