حل الفنان حسن أبو الروس، ضيف برنامج مساء الإمارات” الذي يقدمه الإعلامي عبد العزيز أحمد والذي يعرض على قناة الظفرة.
لم يستطيع الفنان حسن أبو الروس، تمالك دموعه عندما فوجيء بسؤال عن صديقه الراحل مصطفى درويش.
وقال حسن: مصطفى درويش كان صحبي جدا من أيام مسلسل ب”100 وش” وكملنا بعدها وكانت بتربطني بيه علاقة قوية جدا هو راجل جميل مشوفتش زيه في المسلسل كان بيعتبرني أخوه الصغير وكان بيحاول طول الوقت يساعدني.
وتابع أبو الروس: أغنية مليونير كان ليه الفضل إنها تتصور، الله يرحمه كان حبيبي.
وتحدث حسن أبو الروس عن الصراع في الفن وقال “الفن حرب طول الوقت وانت بتشتغل لازم تلاقي ناس بتحاربك واللي مش هيفهم دا عنده مشكلة، يعني كتير بلاقي ناس بتهاجمني وخصوصا لما حضرت مهرجان الجونة بملابس مطرقعة وصالحتهم لما عملت ريفو ودور جد ولما لبست في مهرجان القاهرة لبس كلاسيك الناس عايزين يشوفوني شبههم”.
أما عن شخصيات تمنى تجسيدها قال حسن أبو الروس ” لما شوفت مسلسل “تحت الوصاية اتمنيت أعمل دور من اللي كانوا عالمركب لأن المسلسل اتعمل حلو أوي”.
