كل الفنانات تذهب لعمل عمرة ، فجأة اليوم وجدنا صور سارة سلامة وهي في العمرة ، تلك الصور تسببت في حالة كبيرة من الجدل على السوشيال ميديا، ليس بسبب فرحتهم بهذا الخطوة ولكن بسبب شكلها الذي ظهرت به.
سارة سلامة نشرت صورها عند الكعبة ومبسوطة بيها زي اي انسان طبيعي بيروح المكان الجميل ده ، وعبرت عن مشاعرها واد ايه هي فرحانة بوجودها عند الكعبة.
وكتبت سارة على صورها على انستجرام : الحمدلله اني قدرت احقق اكبر حلم في حياتي وهو زيارة اطهر مكان على الارض..بيت الله الحرام ، يارب اوعد كل مشتاق”.
وهي نشرت الصور من هنا، وعينك ما تشوف الا النوووور، مسكوها بقى المتابعين هجوم ونقد وحفلة كبيرة بسبب شوية تفاصيل كدا هقولك عليها .
سارة طبعا ظهرت في الصور بلبس محتشم وواسع وشكلها جميل في الحجاب ، لكن الملفت للنظر انها عاملة حواجبها ” ميكروبلدنج” ومركبة رموش دايمة، وطبعا دي حاجات مينفعش تتشال وبتفضل البنت عايشة بيهم عادي .. اه تفاصيل البنات كتير بقى.
فطبعا سارة مش حاطة ميكب لكنها رموشها ظاهرة جدا في الصور وكمان شكل حواجبها ، فظهرت عاملة مكيب بسيط وده اللي خلى الناس تهاجمها بالشكل ده.
كمان في صور من الصور ، ظهرت سارة وهي واقفة قدام الكعبة ولابسة نضارة شمس حلوة كدا بس الحقيقة دي كانت اول مرة نشوف حد بيتصور بالنضارة قدام الكعبة، المنظر كان غريب علينا وده اللي خلى الناس تهاجمها ولا كأنها طالعة رحلة مثلا مش عمرة.
التعليقات كلها هجوم على سارة سلامة بشكل واضح ، وبقت تريند السوشيال ميديا من الصبح بسبب شكل حواجبها ورموشها.
واحدة كتبتلها : انتي ازي رايحة برموش وعاملة حواجبك كدا ولابسة نظارة قعر كوباية اتقي الله كل دا الوضوة والطهارة راحو ” .. واحد تاني كتبلها : هيا لقت الناس كلها بتروح تعمل عمره قالت العمره طالعه موضه ولازم اروح ” .. وتعليق تاني : شيلي الرموش عشان حرام وربنا يتقبل منك.
مشكلة كبيرة ان النجمات دلوقتي عشان يظهورا بشكلهم الحقيقي من غير ميكب ولا فلتر ولا اي محاولات للتجميل في الشكل زي الحواجب الميكرو اللي بتقعد سنة ، والرموش الدايمة اللي بيناموا ويقوموا بيها ، فالموضوع مكنش ماشي خالص مع العمرة.
بس دايما اسم سارة سلامة مرتبط باثارة الجدل ،، مرة لبس جرئ زيادة عن اللزوم ، ودي حاجة هي مشهورة بيها ،، ومرة تعمل شوية عمليات تجميل وتغير شكلها فالجمهور ميعرفهاش ،، ومرة تقول كلمتين يخلوها تريند كام يوم ، وهكذا
بمناسبة لبس سارة سلامة الجرئ ، فابوها الفنان احمد سلامة اتكلم عن الموضوع ده في لقاء تلفزيوني قبل كدا ، وطبعا حاول يدافع عن بنته ، وان كل صورة ليها بتعمله مشكلة مع الناس.
وحكى احمد سلامة ، انه اتكلم مع بنته سارة في قصة لبسها الجرئ دي ، وقال في البرنامج : قولت لسارة متعملش كده تاني لكن مكنش في خلاف بينا بسبب الموضوع ده ، وانا متربي في السيدة زينب وتربيتي مختلفة فطبيعي اعلق لها على لبسها ”
احمد سلامة حاول يخلي بنته سارة تغير استايل لبسها الجرئ ده ، وقالها إحنا في مجتمع شرقي مينفعش نتخطاه، لكن هي وجهة نظرها انها مش بتعمل حاجة غلط .. هو ده اللي قاله سلامة عن بنته
سارة كانت عاملة دور في مسلسل ابن حلال ، وظهرت في مرة وهي لابسة هوت شورت ، وده خلى الناس كلها تنتقدها لأننا مش متعودين نشوف ده في المسلسلات ، واعتبروها جريئة اووي ، لكن ابوها دافع عنها وقال : الاستايلست هي اللي طلبت منها تلبس كدا وهي بتسمع الكلام مكنتش فاهمة لأن عمرها كان 18 سنة بس ومرفضتش الموضوع لأنها معندهاش خبرة ” .
