كشف الفنان فتحي عبد الوهاب، عن إصابته بفقرات ظهره بسبب تصوير بعض المشاهد في مسلسل المداح، وذلك خلال لقائه مع الإعلامي عمرو أديب.
وقال فتحي: “عندي فقرتين اتخلعا واتحركا من مكانهما في تصوير مسلسل المداح وكانوا بيشلوني عشان اتحرك في رحلة أسوان أثناء التصوير”.
فتحي عبد الوهاب يعلن خبر صادم للجمهور.. ما هو؟
وأكمل: “ولما دخلت مسلسل المداح حسيت إن أنا دخلت بيت عيلة كانت أجواء لطيفة تحس إنك داخل على ناس هتاخد بنتهم”.
وفي وقت سابق، قال فتحي عبد الوهاب: “عبلة كامل أول مرة اشتغلت معاها كان بالصدفة في مسلسل ريا وسكينة وأنا جيت بسبب أن خالد صالح الله يرحمه دخل عمل العملية فمكنش ينفع يصور ودي كانت أول مرة أتعامل مع الأستاذة عبلة”.
وتابع:”الأستاذة عبلة كامل بتتحول في الشوت ودي كانت أول مرة في حياتي أخاف فعلاً خوف حقيقي وأنا قدام الكاميرا لأن أنا مبقتش فاهم هو ده تمثيل ولا هي دخلت في نوبة ولا ايه النظام (في مشهد التحقيق بعد ما بنتها اعترفتلي) فيه حاجة حصلت كده مرعبة”.
وتابع: “هي موهبتها جبارة بجد واليوم ده فعلاً لولا أن أنا ثباتي الإنفعالي لا بأس بيه كان الشوت هيبوظ لأن أنا شوفت أداء مكنتش متخيل أنه يحصل”.
اقرأ ايضا:
