حياة الفنانين تعتبر مادة دسمة للجمهور ورغم إن المفروض يكون الاهتمام بحياتهم الفنية وفقط لكن الحياة الشخصية عند بعض الفنانين ليستخط أحمر.
ده في فنانين بيطلعوا يتكلموا بنفسهم عن أمور خاصة جدًا ملناش دعوة بيها، وبالتالي كان عادي بالنسبة لهم إن فنانين يرتبطوا بزوجات أصدقائهم ومبيعتبروش ده خيانة، طيب مين هما الفنانين اللي عملوا كده؟ ومين ده الفنان اللي حب 3 في وقت واحد وجوز فنانة مشهورة دلوقتي؟، ده اللي هتعرفوه في التقرير اللي معانا.
حكاية عمر كمال مع طليقة أحمد الفيشاوي
وكان واضح إن ندى الكامل طليقة الفنان أحمد الشناوي بتعشق التريند لدرجة إنها مكتفتش بكل الصور والقبلات اللي كانت بينها وبين أحمد على الملأ لأ ده مش كفاية وحكايتها مع الفيشاوي مش هتخلص بطلاقهم وكانت الحكاية مع المطرب عمر كمال اللي اتقال إن في بينهم ارتباط وجواز في السر لحد ما خرج عمر ينفي الموضوع وبعدها وقع في شر أعماله ونشر فيديو على تيك توك بالغلط وظهرت معاه ندى الكامل ولكنه حذفه بسرعة وقال الناس بتتدخل في اللي ملهاش فيه رغم إن دي حياته الخاصة.
عمر الشناوي برر موقفه
وكانت جوازة عمر الشناوي وهند الحناوي حديث الجمهور وقتها لحد ما الكل بدأ يتكلم إنه خطف طليقة صاحبه محمد كيلاني، وإنه يعرف محمد كويس جدًا لحد ما خرج عمر يبرر موقفه ويقول إنه بقى صديق ليه قبل جوازه من هند بـ4 أيام وبعدها قال إنهم بقوا أصدقاء ده حتى حمزة ابن هند من كيلاني بيعيش معاه هو ومراته 5 أيام في الأسبوع ويومين مع أبوه محمد كيلاني.
الحكاية الأغرب
تعتبر قصة الفنان أحمد فهمي وشهد رمزي ومنة حسين فهمي الأغرب بس هي في النهاية علاقة وخلصت وفيها كتير من الكواليس وممتدة لحد دلوقتي ده حتى أحمد فهمي اشتغل مع حسين فهمي في رمضان 2023 في مسلسل “سره الباتع” وكانت الأمور عادية بينهم، المهم أحمد فهمي كان متجوز شهد رمزي وشريف رمزي كان متجوز منة حسين فهمي وانفصل أحمد عن شهد وعاش وحيد لفترة لحد ما هوب شريف ومنة اتطلقوا لحد ما وقع أحمد في حب منة واتجوزوا وبعدها بفترة انفصلوا في هدوء وحاليًا أحمد فهمي متجوز هنا الزاهد ورغم فرق السن بينهم بس حياتهم مستقرة لحد دلوقتي.
علاقة حمو بيكا وسارة خليفة
وفي يوم الأيام لقينا حمو بيكا مؤدي المهرجانات تريند على مواقع التواصل الاجتماعي في إيه اللي حصل لقيناه بيرقص في فيديو مع سارة خليفة طليقة لاعب النادي الأهلي محمود كهربا وطبعًا الأمر معداش كده لن حمو متجوز وحاول وقتها يمنع المعجب إنه يصوره مع سارة عشان مراته بس مقدرش عليه والفيديو انتشر بسرعة والكل شافه لحد ما سارة قالت إن مرات حمو بيكا صاحبتها وبيضحكوا على اللي بيتقال عليهم بين الجمهور.
