يقولوا في المثل يخلق من الشبه أربعين، لكن الذي حدث مع دينا سمير غانم والشبيهة لها ليس حكاية أمثال خالص فهم مثل التوأم تمام.
وحتى في السن قريبين دول بينهم 4 سنين بس تخيلوا.. وفي الفيديو ده هتعرفوا كل حاجة عن حكاية شبيهة دنيا سمير غانم واللي هي أصلا لعيبة كورة من إيطاليا وملامحها هتصدمك فيها، وكمان هتعرفوا إيه هو الاختلاف الوحيد واللي يمكن دنيا سمير غانم بتداريه أصلا.
الشبه وحكاياته
كلنا مؤمنين بموضوع الشبه ده ولاحظناه كتير سواء على مستوى الناس العادية اللي بنكتشفهم بالصدفة أو التشابه الكبير اللي بيربط بعض المشاهير ببعض، وكلنا شوفنا شبيه عمرو دياب وشبيه محمد صلاح وكتير من المشاهير على نفس المنوال، لحد ما تم اكتشاف شبيهة للفنانة دنيا سمير غانم والحقيقة لما انتشرت الصور دي الكل أجمع على إنها لازم تكون توأم دنيا وصعب تكون شبيهة بسبب إن الملامح قريبة جداً.
مشهورة جاهزة
شبيهة دنيا سمير غانم دي بردوا مشهورة وهي مش محتاجة شهرة عشان تلاقي تفاعل من الناس معاها على السوشال ميديا أو قنوات تستضيفها، دي مشهورة جاهزة، ولما نشرت صور ليها على حساباتها في مواقع التواصل الاجتماعي خدت لايكات كتير والناس في التعليقات اتكلموا على التقارب الكبير بينهم في الشبه.
السر في الفرح
الجمهور دايما ذكي وعارف يجيب الصورة الأقرب للشبه وده اللي حصل فعلاً، والجمهور استدعى ششخصية دنيا سمير غانم في فيلم “الفرح” أيوه هي دي أقرب صورة تبين الشبه اللي بين دنيا سمير غانم وشبيهتها واللي اسمها سارة جاما، ودي لاعبة كرة قدم نسائية في فريق يوفنتوس الإيطالي، والناس قعدت تقول: “يخلق من الشبه أربعين فعلا”، و”دي روح دور دنيا سمير غانم، في فيلم الفرح متاخدة واتعمل منها لاعبة”، والضحك مستمر وإحنا شعب فكاهي بطبعنا.
السن كمان قريب
سارة جاما اتولدت يوم 27 مارس سنة 1989، ودنيا سمير غانم اتولدت سنة 1985 يعني دنيا أكبر منها بحوالي 4 سنين، وظهرت جاما أول مرة مع المنتخب الإيطالي لكرة القدم للسيدات، في يونيو سنة 2006، ووقتها منتخب بلادها اتغلب 2-1 من أوكرانيا، وده في التصفيات المؤهلة لكأس العالم للسيدات سنة 2007.
وسارة مركزها في خط الدفاع، وكانت بتلعب في نادي باريس سان جيرمان في الدوري الفرنسي للسيدات، ولعبت كمان لفريق بريشيا ويو بي سي تافاكناكو، وهي عضو مجلس الاتحاد الدولي لكرة القدم الإيطالي، وشاركت في بطولة الأمم الأوروبية سمة 2009، تحت 19 سنة.
وكمان فازت بالدوري الإيطالي موسم 2015–2016، وفازت بكأس إيطاليا موسم 2015–2016، وبردوا كأس السوبر الإيطالي للسيدات، وفازت بدوري الدرجة الأولى الإيطالي موسم 2017-2018 وفي نفس الموسم فازت جاما بكأس إيطاليا، وكأس السوبر للسيدات.
معلومات جديدة
كمان سارة جاما ليها نشاطات تانية خارج كرة القدم وفي نهاية سنة 2019 شاركت في مؤتمر دبي الرياضي الدولي بخصوص تمكين المرأة في كرة القدم، وهي بتحب أوقات العيلة بعيد عن كرة القدم، وبتحب المطبخ وإعداد الطعام وسنها دلوقتي 31 سنة.
فرق وحيد
ظهور نسخة إيطالية من دنيا سمير غانم، كشفت عن فرق وحيد من النسخة دي، هو الشبه بينهم ما يتصدقش فعلا إلا بس في لون البشرة لكن كل التفاصيل بالظبط هي نفسها.. آه حاجة تانية، سارة شعرها كيرلي شوية لكن دنيا مش عارفين بقى إذا كانت فاردة شعرها أصلا ولا هو طبيعي كدة.. لكن غير كدا ملامحهم واحدة.. ضحكتهم واحدة.
