عبر المخرج والمنتج مجدي الهواري عن إعجابه الشديد ، بالفنانة الشابه روبي من خلال رسالته الي كتبها، علي حسابه الشخصي بموقع “انستجرام” الاجتماعي مع نشر صورة لروبي من مسلسلها الجديد اهو ده الي صار .
كما تساءل الهواري حول موهبة روبي، وعن حيرته في عدم حصول روبي علي فرصتها الحقيقية حتي الآن، فكتب : “سؤال_محيرني : هي ليه حد بحجم موهبة روبي في التمثيل مش واخده حقها عندنا !!يمكن علشان مابدأتش بالاعمال العظيمة زي فاتن_حمامة ولا زي الساحرة سعاد_حسني وكتير كتير هنا وبره جاتلهم الفرصة من اول يوم.. ولاعلشان الانطباع الاول بيفضل مسيطر !!! من وجهة_نظري ديه لو بره وبحجم موهبتها ديه وسنها الصغير ده ممكن تبقي واحدة من الكبار ..اوي ..وخالص .. لانها صوت وصورة وإحساس وطعم معندناش زيه .. و زي العالميات وكتير منهن!! مش عايز اذكر حد من هنا علشان مبقاش الدبة اللي كلت صاحبها وبدل ما البوست ده يبقي في مصلحة روبي يتحول ضدها لو جبت سيرة حد من عمالقة النجمات 🤭في العقود الاخيرة من تاريخ الفن المصري وعقدت مقارنة لأقدر الله ولاسمح الله ولا حاجة
اللي كلهم كانت بدايتهم مش جامده خالص وتألقوا بعد كده واثبتوا انهم موهبين زي روبي في المسلسل اللي بيتعرض دلوقتي ومحدش كتير واخد باله منه .. وسحر التمثيل اللي بتمثله وازاي بيفصلك عن عملك وصناعتك وتطير معاها بإحساس موهوبة الي عالم التصديق !! ومش هاخاف وانا بقول كده بكل شجاعة ومش هيهمني الناس اللي شايفة ده ومش قادرة تقولوا علشان هي ياعيني معملتش دور في حياتها يخلينا نقدرها بالشكل الكافي وحتي لو كانت بداءت بــ ليه_بيداري_كده !!براڤو روبي am a big fan اجابة_السؤال اهو_ده_اللي_صار”.
يذكر أن يعرض حاليًا مسلسل لروبي “اهو ده الي صار” ، علي فضائية اون ويشاركها البطولة أحمد داوود ومحمد فراج وإخراج حاتم علي.
