بعد سقوط المطربة شيرين عبد الوهاب مساء أمس على المسرح أثناء حفلها بدبي، صرح مدير أعمالها إيهاب صالح عن تطورات حالتها الصحية وذلك عبر حسابه الشخصي على موقع التغريدات توير.
حيث كتب قائلًا: جمهور شيرين أنا دايمًا عارف أنكم سند وضهر ليها بس عمري ما كنت أتخيل أنكم بالحجم والعظمة دي بجد ما شاء الله عايز أطمنكم إن شيرين بخير وخرجت من المستشفى بعد شوية فحوصات وإشاعات على رجليها بعد ما تحاملت على نفسها عشان تكمل الحفل بنجاح شكرًا بجد على كل الحب والدعم ده.
وإستكمل إيهاب صالح في تغريدة أخرى: شكر كبير جدًا لدولة الإمارات وإمارة دبي على واحدة من أعظم حفلات شيرين على الإطلاق وده بشهادة الجمهور العظيم والرهيب اللي كان حاضر امبارح وطبعًا أكيد حابب أشكر جدًا شركة moments على التنظيم الرائع والمحترم وكرم الضيافة.
وتابع: أخيرًا بقى بالنسبة للمفاجآت اللي وعدتكم بيها قبل الحفل، خليكم واثقين إن اللي جاي كتير جدًا وحفلات في كل حتة إن شاء الله ومش هنهدى بأي شكل عشان شيرين عندها طاقة وحماس ملهمش آخر ووعد مني إن شاء الله نعوضكم.
