كشفت الفنانة زينة تفاصيل أزمة نجلها التي أثارت ضجة كبيرة خلال الساعات الماضية، إثر تعرضه لاعتداء من كلب بصحبة طفل آخر في أحد الكمباوندات.
وقالت زينة، خلال تصريحات تليفزيونية: “ابني كان بيلعب كرة، وأنا كنت في البيت وجالي تليفون ابني بيعيط وبيقولي الحقيني في واحد سايب علينا كلب وهيموتنا”.
“مش هستني ابني يموت”.. زينة تروي لحظات الرعب وماحدث لنجلها
وأضافت: “الشخص ده دخل الملعب وقال لابني عايز ألعب قاله لأ ده حجزنا لو عايز تيجي تلعب معانا تعالى”.
وأكملت زينة: “الولد قاله لأ وهعرف أخرجك إزاي وجابله الكلب، وأكيد أنا مش هستنى عيل من عيالي يموت بسبب كلب”.
وواصلت: “ابني جري من الكلب وهو بيجري وقطع ورجله اتعورت، وابني التاني عشان عنده كلب عارف النظام والكلب خربشه في رجله”.
وأكملت: “قولت للولد أنت ابن مين.. العيب مش عليك أنا هتكلم مع مامتك اللي سابتك تخرج مع كلب كبير زي ده”.
واختتمت: “الولد دخل البيت ومامته طلعت بتزعق وبتقولي أنتي بتشتمي ابني.. قولتلها أنا جاية أقولك لحد عندك وبقولك متخرجيش الولد بالكلب تاني.. وخدت بعضي ومشيت وقولتلها أنا هعرف آخد حقي بالقانون”.
اقرأ ايضا:
