كان يغني على المسرح وحذائه طار في الهواء، وتعرض لموقف محرج وفرقته أيضا كانت ستتعرض لموقف أصعب منه لولا ربنا ستر.. كلامنا هنا عن فيديو غريب انتشر على مواقع التواصل ظهر في محمد رمضان وهو يتعرض لموقف محرج على المسرح وهو بيعمل حفلة وأمامه الآلاف من جمهوره.
إزاي جزمة محمد رمضان طارت في الهوا وهو بيغني؟ وليه الموقف كان محرج جداً ليه؟.. إزاي كان هيعمل مشكلة مع فرقته؟ وليه قعدوا يضحكوا بعدها؟.. خليكوا معايا في الفيديو ده هقولكم تفاصيل الحكاية وأكتر.
حفلات الفنان محمد رمضان مبتعديش كده لازم كل مرة يحصل حاجة وبسببها الجمهور يتكلم عنها بس إيه حكاية محمد رمضان مع الأحذية مرة توقعه ومرة تانية توقعه في موقف محرج وحكاياته غريبة وأكيد مش كل مرة مقصودة يعني محدش هيعمل كده في نفسه.
الرقصة السبب
محمد رمضان متعود يرقص على المسرح وهو بيغني أصله بيعمل شو كده والجمهور بيكون وراه ومبسوط من حفلاته.. وبتكون حفلته غنائية استعراضية.. وفي حفل كان بيعملها رمضان بره مصر غالباً عشان مش كتير بيعمل حفلات جوه مصر.
الحفلة دي اتعرض فيها رمضان لموقف محرج والفيديو كشف اللي حصل بس منتشرش وقتها واتسرب اليومين دول ومحدش عارف تاريخ الحفلة دي كانت امتى لحد دلوقتي بس رمضان كان بيرقص وجزمته طارت منه في الهوا.
تفاصيل اللي حصل
محمد رمضان كان على الاستيدج وهو بيغني ويرقص كان بيرفع رجله وشكل الجزمة مكانتش مربوطة كويس فاتقلعت من رجله وطارت في الهوا وقتها.. رمضان عرف ينقذ نفسه عشان متتخبطش في راسه.. وقدر ينقذ نفسه بدل ما الموقف يبقى أصعب.
فرقة رمضان
محمد رمضان معروف إن معاه فرقة موسيقية وكمان لما بيرقص بيكون في راقصين معاه ووقت الموقف المحرج ده جزمة رمضان كانت هتضرب في حد من الفرقة وقدر ينقذ نفسه.. وكمان أغلبهم قعد يضحك عشان الموقف يعدي ويتاخد بشكل كوميدي.. ووقتها رمضان راح ناحية ما جزمته ما طارت ولبسها قدام الجمهور عادي.
تخيلوا بقى إن رمضان اتعرض لموقف محرج أكتر من ده وهو في لبنان ووقتها كان طالع المسرح يستلم جايزة وبيتكرم هناك بس رجله اتزحلقت بسبب جزمته بردوا بس هو قدر يستوعب الموقف بسرعة ويقوم يقف ويروح يستلم جايزته.
