نفسي إتنفس طبيعى!نفسي أمشى وأتحرك..أدهم البرعى يستغيث ونفسه يعيش.أدهم يعيش حياته مع إيقاف التنفيذ ،لا يستطيع ان يعيش بدون الأكسجين ثانية وإلا سيفارق الحياة فى لحظتها!
عايش بين الأربع حيطان ،لا بيشوف حد ولا حد بيشوفه ،علشان يعيش لازم يلازم السرير وأنبوبة الأكسجين!اللى بيربطه بالحياة الماسك اللى على وشه..
ياترى مين أدهم البرعى؟وإزاى حالته إتدهورت كده؟إيه اللى حصله فجأة بعد ما كان شاب زى الورد؟وصدمة أمه ربنا ما يكتبها على حد أبدا! هل ممكن أملهم يتحقق ويسافر يعمل العملية؟هل ممكن جمهور السوشيال ميديا يستجيب وينقذوا حياتهم!
شايفاه كل يوم بيفارق الحياة قدام عينى وأتشاهد عليه، أدهم ميقدرش يخطى خطوة بعيد عن السرير،أنابيت الأكسجين ونيسه فى أوضته اللى ليل نهار شغاله ..نفسي يخف ويمشى على رجليه ويملى الأرض نشاط وحيوية زى ما كان!.
ده كان كلام والده أدهم ..المصاب بتعب شديد فى الرئة ،مش بيعرف يتنفس طبيعى،اللى عنده 23 سنة،من قرية نوسا البحر التابعة لمركز أجا بالدقهلية .
أدهم بقاله 5 من 2018 عايش على أنابيت الأكسجين..اللى لو شالها هيعرض حياته للخطر! وفى اليوم بيستهلك 4 أسطوانات أكسجين وتكلقتها حوالى 6 ألاف جنيه! متخيلين دفع من 2018 لحد النهاردة قد إيه علشان بس يبقى على وش الدنيا!
أدهم فجأة إتصاب بالفشل الرئوى ..والدته بتقول إنه كان كويس جدا وشغال على توكتوك،وكان محبوب جدا من أهل قريته!إتصاب بالدرن وإتحجز فى مستشفى المنصورة ،يوم عن يوم حالته إتدهورت والدكاترة قاله إنه رئته مش شغالة! ..أدهم مصاب بفشل فى التنفس من الدرجة الأولى وتدهورت لحالته لأخر مرحلة بعد كده ! هنا كانت صدمة طبعا للأم ..ومش قدامها إلا حالين مالهمش تالت للأسف!
إما إن يتم زراعة رئة له”ودى طبعا تكلفتها عالية جدا وفى نفس الوقت ده اللى بيتمنوه” أو إن يتوصل له الأكسجين طول حياته “يتنفس صناعى يعنى”.
طبعا ما باليد حيلة ..مكانش قدمهم غير إنهم يتعاملوا بالحل التانى”الأقل تكلفة شوية” لحد ما يلاقوا اللى يساعدهم إن أدهم يسافر برة ويعمل عملية زراعة الرئة .
للأسف من كتر شيل الأنابيت دى والده حصله فتاق فى بطنه ومحتاج عملية هو كمان ..ورغم حالتهم الصغبة دى إلا إن الأم ممدتش إيديها لحد عايشة بكرامتها وبتشتغل فى تربية الطيور وبيعها علشان تحاولة توفر تمن أسطوانات الأكسجين لأدهم!
الأم مسابتش باب إلا لما خبت عليه ..لفيت كتير علشان تثبت بالأوراق حق إبنها ويكون بالمستندات له حق يسافر ..وفعلا نجحت إنها تثبت ده من وزارة التضامن الإجتماعى.
وطلع قرار وزارة التضامن بجمع التبرعات لمدة سنة ويارب يكون قبل سنة يقدروا يجمعوا المبلغ كامل ويقدر أدهم يسافر الهند علشان يعمل عملية زراعة رئة .
كمان وزارة الصحة وافقت على سفر ادهم بإعتبارهم حالة فردية وملهوش علاج فى مصر..
جمع التبرعات هيتنهى يوم 21 مارس 2024 ..فى إيدينا ننقذ حياة إنسان ..فى إيدينا نرجعه لحياته الطبيعية ..لسه قدامها وقت الحمد لله نتبرع باللى نقدر عليه!
تكلفة العملية 9 مليون جنيه ..لحد دلوقتى جمعوا التلت بس حوالى 3 مليون بس!
وده اللى قدر أهل قريته يجمعوه،أهل قريته اللى وافقين رجالة مع أدهم وأسرته ،وعملوا صفحة على الفيسبوك إسمها “إدعم أدهم البرعى” .. ودخلوه مستشفى لتلقى العلاج لفترة
إعتبروا أدهم زي اخوكوا ..وساعدوه وإنقذوا حياته..وربنا ما يورينا فى نفسنا ولا فى حبايبنا سوء ..ونحمد ربنا ألف مرة مع كل نفس بنتنفسه طبيعى وإخنا مش حاسين ..
تقدروا تتبرعوا لبنك ال سي أى بى “فرع المنصورة بإسم “أدهم محمد أحمد عبد العزيز البرعى على رقم الحساب “100056269295
أومن خلال رقم الحساب 1469551521733600018 بالبنك الأهلى فرع القاهرة الجديدة ..ومن من خلال فورى على رقم 92191
كنوا سبب فى رجوع أدهم لحياته ..إحنا قديرنا بفضل ربنا وتبرعاتنا إننا نقذ حياة ناس كتير ،وكان للسوشيال ميديا دور كبير فى ده، شيروا الفيديو على قد ما تقدروا لعل وعسى تكونوا سبب فى إنقاذ حياة أدهم..وربنا يجعلنا دايما سند لبعض حتى لو منعرفش بعض!
