أثار المخرج هادي الباجوري، الجدل مجددًا، بعدما تحدث مرة أخرى عن القُبلة في الأفلام، مؤكدًا أنه ما زال متمسكًا برأيه إذا ما كانت زوجته بطلة أحد الأعمال أن تقدم مشهد به قُبلة.
وقال هادي الباجوري خلال تصريحات تلفزيونية في برنامج «سبوت لايت» على قناة «صدى البلد»: «أنا لحد النهاردة بتفرج على أفلام أبيض وأسود فيها كل حاجة، إيه المشكلة في البوسة، عملوا حدوتة كبيرة بسبب بوسة في فيلم قمر 14، طب ليه؟ البوسة في الفيلم حب، واللي أكتر من كده أنا مش هعمله».
هادي الباجوري يثير الجدل: «معنديش مشكلة مراتي تتباس في مشهد»
وأشار: «أنا عارف العادات بتاعتنا، مش جاي أشقلب المجتمع، وماكذبتش لما قلت معنديش مشكلة مراتي تتباس في مشهد، أنا راجل صريح وبتكلم عن شغلي وفني، وعارف أني هتهاجم بس مش فارق معايا، بس ماينفعش أطلب من ممثلة إنها تعمل مشهد بوسة، ولما تبقى مراتي ممثلة مأطلبش منها، ده مش حاجة صح».
وفي وقت سابق، كشف المخرج هادي الباجوري، لأول مرة سبب طلاقه من الفنانة ياسمين رئيس، موضحًا أن الغيرة ليست السبب في الطلاق.
وأكد خلال لقائه ببرنامج “حبر سري” الذي تقدمه الإعلامية اسما إبراهيم بقناة “القاهرة والناس”:”كان فيه مقابلة تليفزيونية واتسألت عن موقفي لو مراتي ياسمين رئيس جاءت في مشهد به قبلة ترفض ولا توافق فكنت لسه عامل فيلم قمر 14 وكان فيه مشهد قبلة ما بين شيرين وخالد، فقلت أوافق طبعا، لأن ده تمثيل وموضوع الطلاق ملهوش علاقة بالغيرة من عدمه”.
وتابع:”لو السياق الدرامي للعمل يتطلب إن مراتي تشارك في قبلة مفيش مشكلة طالما أنها تخدم العمل”.
ولفت:”ليس صحيحا ان ارتداء ياسمين رئيس الكعب العالي تسبب في إحراجي بأحد المهرجانات، انا ابقى مبسوط لما مراتي أو خطيبتي أو صاحبتي يبقى شكلها حلو والناس يبقوا شايفينها بشكل حلو ولو أطول مني يبقى كويس لأن الطول جزء من الجمال”.
اقرأ ايضا:
