علقت المخرجة إيناس الدغيدي، على انتقاد زواجها من رجل الأعمال أحمد سوكارنو، الذي أثار جدلًا على مواقع التواصل الاجتماعي منذ إعلان عقد قرانهما.
وقالت إيناس الدغيدي لـ الإعلامية لميس الحديدي خلال برنامج “الصورة” عبر قناة النهار: حلوة أحدث عروسين دي.. كايدة ناس كتير مش عارفه ليه؟ ومتغاظين، مع إن المفروض بدي طاقة إيجابية للناس.. السوشيال ميديا بتكبر الأمور، جوزي مش شاب ومش أصغر مني بـ 25 سنة، وقدي في السن، ومش من موسكو زي ما اتقال.
زواج إيناس الدغيدي
وأضافت أنها تعرفت على زوجها من خلال فنان صديقا لهم كان وسيط، وهو قال عني إني كوين مصر، لصديقي وصديقي أرسل لي الفيديو حينما كانوا في سيدني، وجبت رقمه وبعت له وشكرته وطلب مني أكلمه 3 دقايق، ولقيته شخص تقيل مش خفيف وجه وقعدت معاه، وجه بعد شهر يتجوزني قولتله أدينا فرصة، المسافة البعيدة اللي بينا دي هتخلينا مش مع بعض، قولتله خلاص نجرب، كنت خايفة وبقالي 18 سنة عايشة لوحدي، أكيد خفت أكرر التجربة.
وتحدث أحمد سوكارنو عن إيناس الدغيدي قائلًا: أنا بحب جرأة إيناس الدغيدي وآرائها المختلفة وهي عكس ما يظهر هي طيبة جدا، وبتقول الأفكار اللي مؤمنة بيها.
