تعرضت دكتورة جامعية للتنمر من جانب بعض طلابها وذلك على جروب محادثة جماعية للدفعة على تطبيق “واتساب”.
وتداول رواد مواقع التواصل الاجتماعي، صورة من المحادثة التي رصدت واقعة التنمر، والتي أثارت استياء رواد السوشيال ميديا.
«إنتي جاية من الغيط».. طلاب يتنمرون على دكتورة جامعية.. لن تصدق كيف ردت عليهم!
وقال أحد الطلاب: “جدعان هو الشابتر التالت ده بتاع الدكتورة القصيرة التخينة شوية دى؟ ولا الدكتورة التانية؟”.
ليرد عليه صديقه قائلا: “أيوه هي اللى كانت لابسة قميص أخضر كأنها جاية من غيط البرسيم دى”.
فيما ناشد طالب آخر أدمن الجروب بمسح المحادثة قبل أن تراها الدكتورة، قائلا: “امسحوا بسرعه قبل نشيل المادة بسببكم”.
من جانبها، فاجئت الدكتورة الجميع بردها على الطلاب، قائلة:“يا ولاد الله يهديكم ضحكتونى.. ابنى وأنا نازلة بالطقم ده قالى الطلاب هيتريقوا عليكى وسبحان الله كلامه صح”.
وأضافت الدكتورة: “مالهم القصيرين يا ولاد؟ ده أنا عسل، وبعدين إيه تخينة دى هى الهدوم اللى بتنفش إنما أنا واخدة وزن مثالي”.
واختتمت حديثها: “مش هشيل حد ولا حاجة يا حبايبى بالعكس، ضحكتونى وفكرتونى بكلام ولادى ربنا يحميكو، الامتحان هييجى مباشر ومن التعريفات اللى ركزت عليها.. ربنا يوفقكم”.
