مستجدات واقعة الطفلة أيسل.. نشرت والدة الطفلة أيسل عبر حساب يحمل اسم الطفلة، منشوراً تتفاعل فيه مع ردود أفعال رواد مواقع التواصل الاجتماعي المتعاطفة مع قضية ابنتها خاصة بعد الحكم على الجاني بـ 15 عاماً، بسبب أنه تجاوز السن القانوني.
تصريحات والدة الطفلة أيسل
نشرت والدة الطفلة أيسل منشوراً قالت فيه: “شكراً لربنا أنه سخر عباده جميعاً لرد حق بنتى وشكراً لربنا على كل نعمه وشكراً لكل الناس حرفياً يعنى مش عارفه اوصف احساسى ع بنتى بس أنا راضيه بقضاء ربنا وقدره واكيد ربنا عنده حكمه الحمدلله ع كل الاحوال. وانا على يقين بالله حقها هيترد دنيا وآخره حبيت اوضح صوره هدفي من نشر قضية ايسل هى حبيبتى الجميلة دايما كان كل تفكيرها مساعدة الناس وانا لما شوفت بوست الأطفال في المدرسة الانترناشونال انها كانت تابعه لنفس المجرم اللى دمر حياتنا حزنت عشان الاطفال واهاليهم ففكرت اساعد مع الناس بقضيتها وانا كنت رافضه انشر القضية من البداية لأنه محبوس من اول يوم والقانون واضح بالفصل ف الحكم كان في نيتى انشرها بعد ما تخلص لان لسه ف جوانب ف القضية لسه مش خلصت فا نشرت القضيه عشان دى الطريقه الوحيده اللى ممكن صوتى يوصل لسيادة الرئيس عبدالفتاح السيسي
حتى لو مجرد تفكير في عرض مذكرة بعدد الجرائم اللى زى قضية ايسل على لجنة القانون الدولي وسيادته يشوف الرد وانا ع يقين تام لو مفيش قانون دولي في جزئية الأحكام كان هيطبق الإعدام لأن كل الناس اللى ردو حق ايسل حتى لو أنا غير راضية على الحكم هما ضباط الشرطة ووكلاء النيابة وفي شخص أنا نفسى افضل اقوله شكرا لآخر العمر الأمين العام للمجلس الأعلى للقضاء شكرا على إنسانية حضرتك وشكرا لوكيل النيابه اللى فضل واقف قدام المشرحة هو ظابط الشرطة”.
