وجهت الفنانة راندا البحيري رسالة لوم للمنتجين الفنيين، بعد الترحيب الكبير الذي استقبلها الجمهور به عقب إعلانها العودة للتمثيل في أعمال درامية خلال شهر رمضان القادم.
وكتبت راندا البحيري عبر فيسبوك: "هو المنتجين مش شايفين الكومنتات دي؟ مكانوش حاسين ان الناس عايزاني أمثل؟؟؟ والله العظيم تلاته أنا ممكن حالاً حالاً اعتذر عن كل الشغل اللي جالي بعد ما قريت فرحتكم كومنت كومنت، شكرا ليكم، وده كان عشمي فيكم مع اني مبتعشمش عموما بس كنت حاسه ان انتوا عايزيني ارجع، بس دلوقتي اتاكدت فعلا
وتابعت: “طب هل المنتجين مش بيتصفحوا الفيس بوك زي باقي البشر؟ مع احترامي الكبير ليهم، بس هم معندهمش فيس بوك؟؟؟؟”.
وكانت قد أعلنت الفنانة راندا البحيري عن عودتها للتمثيل، وكتبت في منشور سابق عبر حسابها الشخصي على فيسبوك: "أنا راجعه التليفزيون ب كذا عمل فني، حبيت تكونوا أول حد يعرف بعد ماما وابني ياسين الأشروبي، رمضان ٢٠٢٦ توقعوا مسلسل ايه و كام مسلسل؟ واللي بيحبني يدعيلي اكيد ان ربنا يوفقني، واللي مش بيحبني انا علي قلبكم رمضان ده".
