حالة من الجدل الواسع أثارتها المطربة بوسي، بعد تصريحاتها الأخيرة مع الإعلامية بسمة وهبة ببرنامج “العرافة” المذاع على قناة المحور، والتي دخلت بعدها في مشادة مع طليقها هشام ربيع.
من جانبها، قالت بسمة وهبة: “حكاية بوسي وهشام أنا مش حابة أكون طرف فيها.. وكل اللي أقدر أقوله إن الموضوع دخل في حتة مش حلوة لأن بوسي وهي معايا في الحلقة مغلطتش في هشام أبدًا وهي عمرها ما غلطت فيه.”
بسمة وهبة تفجر مفاجأة بشأن خناقة بوسي وطليقها
وأضافت في تصريحات صحفية: “أنا كنت بتكلم مع واحدة مطلقة واللي عرفته إنه كان بيحبها وهي بتحبه.. فـ قولتلها ليه مترجعوش لبعض؟ وخاصةً لما لقيت إنها مش بتغلط فيه فـ قولتلها طب ما نهدي النفوس وتقوليله كلمتين حلوين قدام الكاميرا.. فـ هي قالتلي لأ بس أنا ضغطت عليها الصراحة.”
وتابعت: “أنا نسيت إن فيه زوجة موجودة وأكاد أكون أخطأت.. ولكن أنا شايفة إني مأخطأتش لهذه الدرجة لأن هشام كان عنده زوجتين ولما يطلق واحدة وبعدين تقوله أنا لسه بحبك أنا مش شايفة إن ده ممكن يخرب البيوت زي ما هشام قال.”
وقالت بوسي خلال اللقاء، أنها مازالت تحب طليقها هشام ربيع حتى الآن، رغم طلاقهما.
من جانبه رد هشام ربيع على تصريحات بوسي : “بوسي طالعة بتقول أنها لسه بتحبني طب متعرفش إن إحنا كعادات وتقاليد ومبادئ، إحنا انفصلنا وأطلقنا وكل واحد راح لحاله، طيب متعرفش أن بحبك دي تخرب بيت وده اللى حصل عندي فعلا حصل مشاكل عندي في بيتي، هل هي عايزة تخربي بيتي؟.”
وأضاف ربيع عبر مقطع فيديو:” الانسانه دي كدابه و طلعت معايا ندله ، انا دفعت ليها ملايين ودخلت السجن بسبب ٤ شهور عشان اخلصها من طليقها واهله وفي الاخر مجتش زارتني ولا مره “.
وتابع: “موضوع بحبك دي تخرب بيت وفي أسرة وأولاد، طب ليه تدمريلي حياتي أنا عملت فيكي إيه، بقولك الله يسهلك إحنا في شهر كريم ومش عايز أتكلم في أي حاجة أكتر من كده”
اقرأ ايضا:
