أخبار الحوادث

خروج كروان مشاكل من الحبس ومفاجأة عن مصير إنجى حمادة

كروان مشاكل خرج من الحبس بعد حوالى 3 شهور قضاهم بين الأربع حيطان وولم يكن يعرف كيف سيكون مصيره! لكن إنجى حمادة لم تخرج رغم إنهم ظهروا مع بعض فى فيديو المطبخ غير الأخلاقى.

فياترى إزاى كروان خرج من الحبس وإيه اللى ناوى عليه ومصير إنجى هيكون ايه؟ مش هتصدق اللى قاله فى أول ظهور له!

يا اخواتى أنا خرجت الحمد لله ووحشنى كلكوا .. ده اللى قاله كروان فى الفيديو الأول له بعد خروجه من الحبس..

مش بس كده احتفل بالأغانى والبالونات والرقص ظهر كروان مشاكل من مكانه والكرسى بتاعه اللى كان متعود يظهر للجمهور ويعمل فيديوهاته بيعلن عن خروجه من الحبس وهو مبسوط وفرحان..

كمان التيك توكر مداهم اللى مسابهوش ولا لحظة من وقت القضية ولحد القبض عليه وحتى وهو فى الحبس .. وتقريبا هو الوحيد فى كل مشاهير السوشيال ميديا اللى وقف مع كروان فى محنته ظهر فى لايف واحتفل بخروجه وبقوا يرقصوا ويغنوا ويقولوا كفارة ده الحبس للجدعان.. بس كروان خده بالحضن وقاله إنت أخويا والله اللى مبتنيش ولا لحظة!

بس المفروض كروان ميفرحش أوى كده .. لإنه تم إخلاء سبيله وخرج بكفالة دفعها وهى 5 ألاف جنيه والقضية لسه شغالة.. يعنى هو خرج لكن القضية منتهتش يعنى ممكن يرجع للحبس تانى لما يتم الحكم فيها ..

فإخلاء السبيل مش معناه إنه أخد براءة من القضية الغير أخلاقية اللى متهم فيها ..ولكن هو خرج على ذمة القضية ..

لكن بالنسبة لكروان هو اعتبر خروجه من الحبس براءة لإنه أصلا من قبل القبض عليه وهو بيقول إن مقدرش استحمل الحبس ثانية وكان متأثر وبيعيط وبيتعطف الجمهور إن حد ينقذه لكن كان فات الأوان خلاص..

الغريب إن المحامى بتاعه لما تم القبض عليه فى سوهاج لما كان هربان .. قال إنه هياخد براءة وكان بيدور له على ثغرة يخرج منها زى الشعرة من العجين وإنجى تشيل القضية لوحدها وإنها هى اللى استغلته وهو ملهوش فى الأفعال الغير أخلاقية خالص خاصة إن بعد القبض على إنجى اتضح من التحقيقات والتحريات إنها لها قضايا غير أخلاقية سابقة كتير ..

محامى كروان قال إن كروان عنده تعب عقلى مش واعى ولا هو داري باللي بيعمله في حياته، وفاكر إن كل التصرفات والأفعال اللى عملها دي هزار وتهريج، ده غير إن الناس استغلت موكله للتربح منه وكسب أموال من وراه ويحققوا الشهرة ..

بس ده محصلش وزى ما شوفتوا كروان خرج بكفالة على ذمة القضية اللى لسه بيتحاكم فيها .. بس هل ممكن ياخد البراءة والمحامى يثبت ده؟

طيب ايه مصير إنجى هل خرجت هى كمان؟
الحقيقة إن إنجى مخرجتش وده بسبب طبعا بسبب إنها عليها قضية تانية وتم تحويلها للجنايات وده علشان لما تم القبض عليها كان معاها ممنوعات وبكده إنجى مش هتخرج زى كروان بكفالة وهتفضل فى الحبس لحد ما يتم الحكم فى القضية ..

فياترى كروان هيعمل إيه الفترة الجاية ؟ هل قعدته فى الحبس خلته يعيد حساباته من جديد ويقرر يمشى جنب الحيط وممكن يقدم محتوى أفضل؟ وتفتكروا ممكن يطلع براءة فعلا ولا يرجع الحبس تانى ؟ شاركونا فى التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى