أخبار الاقتصاد

حقيقية عودة هيونداي فيرنا! ومفاجاة عن سيارة بـ 25 ألف فقط

عربية ب25 ألف جنيه فقط  وحتى او لديك سيارة وتحتاج تغير الكاوتش طلبك عندنا وب370 جنيه.عربية هيونداي فيرنا راجعة مصر من جديد

مفاجات كتير اوي في سوق السيارات، سمعنا عنها الفتره اللي فاتت فيا ترى كلها حقيقه ولا في منها حاجات طلعت فشنك لزوم الريتش والمشاهدات؟

 

رغم جنون اسعار السيارات في مصر كل فتره والتانيه بنسمع عن اسعار عربيات جديدة بمواصفات مميزة لا وإيه اسعار لقطه هتخلي الشعب كله يركب عربيات.يعني مثلا من كام شهر انتشرت اخبار عن طرح سياره مصريه في الأسواق ب 25 الف جنيه بس والدفع بالتقسيط.

وطبعا دي عربيه ما تتفوتش والناس بدات تسال نجيبها منين وازاي لغايه ما طلع محمد بكر المتحدث الرسمي باسم الانتاج الحربي عشان يقول يا جماعه الكلام ده كله غلط تماما.

طيب الناس تسكت؟ أبدا.. نقلنا من العربيات اللي شغاله بالبنزين ورحنا على عربيات الكهرباء وقال لك في شركه بتبيع عربيه كهربية هتبقى بديل التوكتوك:

صحيح حجمها صغير شويه بس برضه مناسب لسعرها اللي وصل إلى 70 الف جنيه.وهنا الوضح احسن شوية لان نص الخبر حقيقية والنص تاني متفبرك، طب ازاي؟

التفاصيل كالتالي:

شركة إنوفيت مصر بتخطط كلطرح سيارة كهربائية بالكامل مخصصة للاستخدام جوة المدن، لكن الأسعار هتبدأ من 95 ألف إلى 170 ألف جنيه

وحسب محمد الغمري، مؤسس إنوفيت، لسة الشركة بتظبط الأمور لبدئةد التصنيع، لكن احتمال العربية تنزل السوق قبل نهاية السنة.

طيب افرض انت مش عاوز تغامر وتحط فلوسك في ماركه محليه وبتدور على ماركه عالميه، احب اقولك السوشيال ميديا برده ما غلبتش.

في الايام اللي فاتت انتشر كلام عن عوده فيرنا هيونداي للسوق المصري، ودي واحدة من اكتر العربيات اللي حققت مبيعات في مصر، عشان كده الخبر عودة تصنيعها قلب الدنيا.

لكن الحقيقية بتقول حاجة تانية خالص، الشركة الكورية أعلنت فعلا عن تقديم جيل جديد من العربية بس الكلام ده في الهند بس.

وحسب مصدر في هيونداي مصر، مفيش اي نية لتصنيع العربية الفيرنا في مصر لغاية دلوقتي، لكن في المستقبل محدش عارف ايه اللي هيحصل.

ولو فاكر ان شائعات السيارات في مصر خلصت لغايه هنا تبقى غلطان، احنا سيبنا العربيات ونقلنا على الاجزاء كمان والمره دي الدور على الإطارات.

في يناير اللي فات انتشر كلام عن تصنيع اطارات مصريه في مصنع مصري اسمه بيراميدز، وسعر البيع 370 جنيه بس!

وده طبعا مبلغ اي حد يتمنى يشتري بيه خصوصا مع ارتفاع سعر كل حاجه ليها علاقه بالعربيات،والحقيقه ان المصنع موجود فعلا في المنطقه الصناعيه بورسعيد.

لكن المعلومه الناقصه ان المصنع ده متخصص في انتاج اطارات الدراجات النارية والجرارات الزراعية واللوادر والقاطرات الزراعية والعربيات الفان أو التمناية .

ويمكن الخبر الحلو اللي طلعنا بيه من القصه دي كلها ان مسؤولين المصنع كشفوا عن خطتهم لتصنيع إطارات العربيات الملاكي قبل نهايه 2023.

انتم بقى قولوا لنا هل صدقتوا واحدة من الشائعات دي وافتكرتوها صح فعلا ولا عرفتوا الكدبه من اولها؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى