أخبار الاقتصاد

سبب الارتفاع الجنوني للحديد والمستفيد من هذا الارتفاع

تخيل إن طن الحديد وصل 37 ألف جنيه!، فماذا حدث وما السبب وراء هذا الاترفاع الكبير، وكم السعر الذي سيصل إلى المسهلك، وهل سيرتفع أكثر من ذلك؟ تابعونا سنعرف كافة التفاصيل من خلال التقرير التالي:

المصريين ناموا صحيوا على أخبار متسرش خالص وهي إن أسعار الحديد زادت ووصلت النهاردة لـ 37 ألف جنيه للطن!
طيب إزاي ده حصل ؟
بص ياسيدي، أحمد الزيني رئيس شعبة مواد البناء بغرفة القاهرة التجارية، قال في تصريحات صحفية، إن أسعار الحديد قفزت بين ألفي جنيه ولحد 6 آلاف جنيه تدريجيا خلال الأسبوع ده، وده طبعا بالمقارنة بأسعار الأسبوع اللي فات.

قال كمان إنه ارتفع متوسط سعر طن الحديد تسليم أرض المصنع لـ ما بين 34 و37 ألف جنيه وده كان بشكل تدريجي مقابل سعر يتراوح ما بين 31 و32 جنيه الأسبوع اللي فات.

الغريبة إنه في تصريحاته أكد إنه حصل حاجة غريبة فعلا وهي إن شركات الحديد رفعت الأسعار للمستهلك من غير ما يعلنوا ده بشكل رسمي، وبلغوا الوكلاء بتوعهم بالزيادة الجديدة بشكل شفوي .

وحسب تصريحات خبراء الاقتصاد فـ الزيادة اللي حصلت في أسعار الحديد دي محصلتش قبل كدة في تاريخ مصر، وده لأنها زادت بمستويات مش مبررة وملهاش سبب محدد.

والأسبوع اللي فات أعلنت شركة حديد عز، والسويس للصلب، وحديد المصريين إنهم هيرفعوا أسعار منتجاتهم بأكثر من ألفين جنيه للطن الواحد تسليم أرض المصنع، الأسبوع وده اللي أكده أحمد الزيني رئيس شعبة مواد البناء بغرفة القاهرة التجارية.
ووصل سعر طن الحديد تسليم أرض المصنع بشركة حديد عز لـ 29285 جنيهًا، وزاد سعر طن الحديد بشركة حديد المصريين لـ 29200 جنيه، اما بقى سعر طن الحديد في شركة السويس للصلب تسليم أرض المصنع فوصل لـ 29200 جنيه.

وحسب بيانات غرفة الصناعات المعدنية باتحاد الصناعات، فـ مصر بتنتج حوالي 7.9 مليون طن من حديد التسليح، وحوالي 4.5 مليون طن بليت، وبـ تستورد 3.5 مليون طن بليت.

طيب الحديد بس اللي زاد يعني؟
لا ياسيدي ده كمان أحمد الزيني رئيس شعبة مواد البناء بغرفة القاهرة التجارية، أكد إن شركة السويس للأسمنت ولافارج رفعوا سعر طن الأسمنت النهاردة 50 جنيه بالأسواق، وده هيطبق اعتبارا من الأسبوع ده.

مش بس كدة ده كمان ارتفع سعر طن الأسمنت الشركتين تسليم أرض المصنع لـ حوالي 1870 جنيها و1900 جنيه.
والمفترض إنه بيتراوح متوسط سعر طن الأسمنت بالأسواق الفترة دي ما بين ألفين جنيه و2150 جنيه حسب تصريحات رئيس الشعبة.

هل ارتفاع سعر الحديد سيؤثر على أسعار العقارات في مصر؟

حسب تصريحات الخبراء العقاريين والناس اللي بتتعامل في السوق فـ القطاع العقاري لسه عليه الطلب مرتفع من الناس وده لأنهم بيعتبروه الملاذ الأمن ضد المخاطر الاقتصادية زي التضخم مثلا.
لكنه خلال الفترة دي مضطرب شوية ومتوقع يرفع أسعاره بنسبه توصل لـ 30%، وده بسبب ارتفاع أسعار معظم مدخلات القطاع زي الحديد والأسمنت والبليت.

دلوقتي قولنا رأيك في ارتفاع أسعار الحديد الفترة الأخيرة ؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى