فجأة وجدنا صورة إعلامية تونسية منتشرة على مواقع التواصل الاجتماعي، الجمهور اتعلق بها نظرا لأنها تجمع عدد من الصفات في نفس الوقت، ومنها الحضور، واللباقة، اللغة العربية القوية والواضحة، وطبعا تاج كل هذا الجمال، وهو ما جعل البعض يقول سنتابع الأخبار من أجلها هي الإعلامية التونسية مروى العلج.
مروى العلج اتولدت في تونس، في 15 أكتوبر 1995، يعني عمرها دلوقتي 27 سنة، بدأت مسيرتها الإعلامية كمراسلة في قناة نسمة التونسية، ومدونة في عدد من المواقع، وبعدين انتقلت للعمل في تلفزيون mrj tv التونسي واتنقلت من مكان للتاني لحد ما وصلت لإنها تكون مقدمة نشرة أخبار في قناة ليبيا الأحرار.
مروى العلج بتتكلم عربي وإنجليزي وفرنساوي وإيطالي، واشتغلت في وقت من الأوقات مدرسة لغة إنجليزية. هي حاليا بتعيش في تركيا، ولكن معندهاش مانع ترجع تاني تونس وتقدم برامج هناك.
ومعروف عن مروى العلج اهتمامها بالتواصل مع جمهورها دايما من خلال حساباتها على مواقع التواصل، من خلال صورها من حياتها اليومية وأبرز نجاحاتها، أو حتى ساعات بتطلع في فيدوهات تقول بعض القصائد، أو تتكلم عن مواقف معينة.
مروى العلج قدرت إن هي تحظى باهتمام كبير خاصة داخل ليبيا، واللي ابتدى متابعينها يتكلموا عنها نظرا لموهبتها وشطارتها، وفوق كل ده شياكتها واهتمامها بجمالها، واللي خلاها تريند وحديث لناس كتير.
ومروى العلج نزلت ستوري على صفحتها على فيسبوك بتعبر فيه عن فرحتها بالكلام الكتبو عنها، والإشادة بجمالها وموهبتها، وشيرت صور متاخدة من الصفحات اللي اتكلمت عنها.
ولو تصفحت حسابها على إنستجرام، من الصعب تلاقي صورة ليها مش منمقة، ومحسوب حسابها، بتكون فيها شيك، وجميلة، وكل شيء مرتب تماما، ومعتادة تكتب على صورها عبارات عن الحياة.
ولكن مع ذلك، اتعرضت باردو لهجوم من بعض المتابعات، واللي اعتبروا إن جمالها ده عبارة عن فلاتر، وميك أب وحاجات من دي، وده شيء طبيعي لأن مفيش بنات أصلا بتنزل من غير ميك أب، فمبالكم لو مذيعة بتطلع على تلفزيون، ولكن في ناس تاني ردوا على الهجوم ده وقالوا، هي جميلة في كل الأحوال.
ومروى العلج من أبرز اهتمامتها بعد شغلها طبعا، التسوق، وبتظهر كتير وهي في أماكن لشرا ملابس جديدة، وكمان بتهتم جدا بالخضوع لجلسات تصوير، يعني تقريبا كدة من الصعب إن يكون ليها صورة متصورة بلفتر عادي، ولا كاميرة موبايل، لأن هي بتهتم بشكل خاص بشكل ظهورها على الرأي العام.
وبتسعى مروى لتطوير مهارتها، لأنها من الشخصيات اللي عندها طموح كبير، ومؤخرا كتبت على صفحتها على إنستجرام: «لطموحاتنا علينا حق، حين ندعوها إلى خواطرنا يجب أن نكرمها بالسعي، فلا تغادر رغباتنا إلا وهي جزء من واقع نفخر به».
