الكويت أصدرت قرارا هام بشأن العمالة المصرية هناك وبدأت في إجراءات الاستغناء عنهم، وكله وفق الخطة التى وضعوها وبالدور، والتى ستنتهي بعدم وجود أي مصري في الوظائف الحكومية هناك.
إيه الخطة بالظبط اللى عملاها الكويت بخصوص العماله المصرية ؟ .. مين اللى هيمشى من هناك وهيمشوا أمتى؟ .. كل ده واكتر هنعرفه مع بعض في التقرير التالي:
بعد ما خلاص الكويتيه ما أعلنوا الاستغناء عن عدد من المدرسين وعددهم اللى يقرب من 1900 واحد وفى الفيديو ده ها تعرفوا ازاى بالظبط تعرفوا لو حد قريب منكم فيهم ولا لا، وكمان هتعرفوا مين هما المصريين اللى هيتم الاستغناء عنهم الفترة الجاية في الكويت وكله حسب الخطة اللى هما عاملينه هناك.
في البدايه كده هنتكلم الأول على المعلمين المصريين اللى للأسف صدر بحقهم قرار من وزارة التعليم في دولة الكويت بإنهاء عملهم، واللى على حسب كلامهم ده ضمن حملة كويتية بعنوان “تكويت الدولة”، هدفها منح الفرص للمواطنين الكويتيين للعمل مكان المصريين، هوا مش طمع ولا حاجه في مكان المصريين ورواتبهم، هما أصلا مرتاحين وفلوسهم كتير، بس هما غرضهم أنه مايبقاش فيه مكان شغل الا للكويتى، ده على حسب الخطة اللى عاملينها هناك.
المهم وعشان لو حد منكم ليه حد في الكويت شغال في التدريس وعايز يعرف بالظبط هوا طلع من الخدمة ولا لا، ممكن ببساطه دلوقتى يدخل على موقع جريدة القبس الكويتية اللى الحكومة هناك أتاحت عليه فرصة معرفة من اللى مشى من المدرسين المصريين هناك دلوقتى.
يعنى دلوقتى تقدر تدخل على جوجل وتكتب في البحث موقع جريدة القبس الكويتية، ولما يفتح هتلاقى عليه حاجه جديده كده، اسمها أسماء الوافدين المشمولين بالإحلال للعام الدراسى 2022 – 2023، ولما تكتب رقم الهوية بتاعت قريبك اللى في الكويت هيظهر ليك لو هوا من الناس اللى مشيت ولا لا، لو ماظهر لكش أسمه تحمد ربنا على طول لأنه يبقى لسه من الناس اللى مامشيوش، لو ظهر يبقى خلاص كلها ايام وجى مصر، ما هو مشى من شغله للأسف الا لو بقى ربنا كرمه باى شغلانه هناك اشتغلها ومش أيامه اليومين دول.
لحد هنا ونكون عرفنا ازاى نقدر نعرف لو لينا حد قريبنا من اللى شغالين في التدريس في الكويت مشى ولا لا، ودلوقتى يكون حان الدور أننا نعرف خطة الكويته اللى هما شغالين عليها أو بمعنى أصح مكملين عليها عشان يمشوا المصريين من هناك.
تخيل أنهم عايزين يمشوا حتى المصريين اللى شغالين في خدمات دفن الجنائز، يعنى حتى المصرى بتاع الترب اللى هناك هيمشوه ويجبوا مكانه حد اندونيسى يشتغل مكانه، وكمان سواقين عربيات الإسعاف، ودول هيجيبوا مكان المصريين ناس من اندونيسيا، وده مش كلامنا ده كلام موقع إندبندنت عربية.
أما بقى الوظائف المهمة والحلوه زى البترول وخلافة، فا دى اللى هيشتغل فيها الكويته، وبكده نكون وصلنا لنهايه الفيديو بتاع النهاردة، لو عايزين فيديو تانى نوضح فيه أكتر اكتبوا في التعليقات.
