تصدر اسم الفنان حسام حبيب، مؤشرات البحث بعد وقوعه ضمن ضحايا برنامج رامز إيلون مصر، أمس الخميس، خاصة مع تناول مقدمة رامز جلال لأزمته مع النجمة شيرين عبدالوهاب، التي تصدرت المشهد عبر منصات التواصل الاجتماعي.
وعلق حسام حبيب، في مكالمة هاتفية مسجلة لبرنامج «ET بالعربي» على مقدمة رامز جلال خلال تواجده في «رامز أيلون مصر»، قائلًا: «عايز أقول للناس اللي بتنتقد أنا لو زعلان، زعلان عليكم مش منكم، ورامز أكيد بيهزر لأنه عارف أن الكلام اللي بيقوله ده مش حقيقي طبعًا، رامز إنسان محترم ولو في حاجة حقيقية مش هيهزر فيها، هو هزاره تقيل شوية».
وأضاف: «كمان أي كان اللي قاله دا هزار، واللي يزعل من الهزار مخه صغير، ومفيش حاجة بتزعلني خالص، لأني عارف إن الكلام اللي إتقال كله هزار، والكلام كله مش صح، ولازم اردله المقلب دا في يوم من الأيام».
وكان حسام حبيب، حل ضيفًا في الحلقة السادسة، من برنامج رامز إيلون مصر، تقديم الفنان رامز جلال، المذاع على قناة MBC مصر ضمن الخريطة البرامجية في رمضان 2025.
وقال رامز جلال خلال تقديمه حسام حبيب، ضمن برنامج رامز إيلون مصر، المذاع على قناة MBC مصر: «معنا ومعاكم بطل أشهر قصة حب توكسيك في الوسط الفني.. مصنف مصاص دماء لضحاياه ودبور للباحثات عن الحب.. افتكر إن فريسته سهلة.. بدأت الخناقات ووصلت لمد الأيد.. يقولها يا مجنونة تقوله خلتني على الحديدة».
اقرأ أيضًا:
لا أمان لأي مان.. ياسمين عبد العزيز تثير جدل بمنشور غريب
والدتها اتجوزت خطيبها .. ايناس عز الدين تنهار وترفض الإجابة على هذا السؤال
