آخر الأخبار

إزاي تقبض مرتين وانت شغال في مكان واحد بس؟!..مفاجأة من العيار الثقيل

مرتبك يكفيك كم يوم في الشهر؟ 10 أيام ؟ اسبوعين؟ ايا كانت إجابتك وسواء كنت تعمل في الحكومة أو القطاع الخاص، يجب ان تعرف انه بإمكانك الآن أن تحصل على دخل إضافي مضمون كل اول شهر وبمبلغ يعدي الحد الأدنى للأجور.بمعنى أن تحصل على القبض مرتين؟ فكيف هذا؟ سنتعرف على ذلك من خلال التقرير التالي:

رغم مرور أيام معدودة على طرح البنك الأهلي وبنك مصر للشهادة بفايدة 25%، إلا أن الشهادة الجديدة بتسجل مبيعات بأرقام قياسية تخطت ال100 مليار جنيه من بدري.

وزي ماقال ماجد فهمي الخبير المصرفي: شهادات الـ25% في التوقيت ده هتساعد للمواطنين في توفير دخل إضافي لمواجهة التضخم وتآكل المدخرات. والمفاجأة الكبيرة بقى انها هتديك عائد اعلي من الحد الأدنى للأجور.

وبحسبة بسيطة، عند إيداع أو ربط مبلغ 150 ألف جنيه بشهادة عائد شهري 22.5% لمدة سنة، صاحب الشهادة هياخد دخل إضافي 2800 جنيه تقريبا كل أول شهر.

بقسمة إجمالي العائد على 12 شهرًا كالتالي: 33,750 جنيه على 12 شهرًا = 2,812.5».

أما بقى لو ربطت شهادة 25% بنفس المبلغ على اساس تقبض العائد في نهاية السنة مرة واحدة، هتلاقي العائد ارتفع إلى 40 ألف جنيه، وبتوزيعه على 12 شهرًا هيوصل الإيراد الشهري التقديري لـ3,333 جنيه».

وزي مانت عارف الحد الأقصى الأدنى للأجور في الحكومة 3 آلاف جنيه ، وفي القطاع الخاص 2700 جنيه، يعني تقدر تقول ان شهادة ال25% وفرتلك مرتب وظيفة جنب شغلك الأساسي.

وخلي بالك رئيس بنك مصر محمد الاتربي قال إن فرصة الشهادات بفايدة 25% هي فرصة محدودة ومش هتتكرر وطرحها هيستمر لاسابيع محدودة مش اكتر من كده.
وعشان تقدر تشتريها لازم يكون عندك حساب في البنك الأهلي وبنك مصر، ولو انت عميل ليهم فعلا هتقدر تربط الشهادة وانت قاعد في بيتك من غير ماتضطر تروح لفرع البنك بنفسك وتقف في طوابير طويلة.

كل اللي عليك تنزل أبليكيشن البنك على موبايلك، وبعدين تختار شراء شهادات من التطبيق، وتسجل البيانات المطلوبة، وتحدد قيمة الشهادة ونوعها، واخيرا الضغط على تأكيد لسحب قيمة الشهادة من الحساب.

والحد الأدنى للشراء هو ألف جنيه ومتقدرش تكسرها إلا بعد 6 شهور من تاريخ الشراء

.أما بقى لو عندك شهادة قديمة بفايدة 14% أو 16٪ أو حتى 18% وعاوز تعرف تكسرها عشان تشتري الشهادة الجديدة ولا لأ، فلازم تعرف ان كسر الشهادة قبل انتهاء مدتها هيكلفك 70% من الفوايد عليها.

وعشان تقدر تعرف المكسب والخسارة بالظبط الأفضل انك تروح البنك وتقعد مع موظف خدمة العملا عشان يحسبها ليك صح

وعموما رئيس بنك مصر حذر أصحاب شهادات ال18% من كسرها لأنهم هيخسروا كتير لو عملوا كده..
انتو بقى قوللنا إيه رأيكم في شهادات الـ25٪؟ وهل عندكم اي سؤال محتاجين تعرفوا اجابته عشان تشتروا الشهادة وانتوا مطمنين؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى