آخر الأخبار

تفاصيل الصفقة السرية لـ إيلون ماسك في مصر 2023

ثروته 138 مليار دولار ودائما مثير للجدل، لذلك عندما يتحدث عن مصر لبد أن يحدث ضجة ويتسائل العديد منا ما وراء حديث الملياردير إيلون ماسك، وكيف رد ساويرس على تصريحاته؟ هذا ما سنتعرف عليه من خلال التقرير التالي:

ايلون ماسك كتب تويتة أشاد فيها بالحضارة المصرية القديمة وعظمتها، تعليقا على افتتاح معبد دندرة بعد إغلاقه لفترة طويلة.بس اللي متعرفوش بقى ان علاقة ايلون ماسك بمصر مش مجرد تغريدة على تويتر، لا الموضوع فيه بيزنس وفلوس والسر في سبيس إكس.

دي شركة فضاء اسسها ماسك في 2002 ومن اهم مشاريعهم ستار لينك أو الإنترنت الفاصائي.والفكرة قايمة على استخدام الآلاف من الأقمار الصناعية منخفضة التكلفة لتوفير خدمة إنترنت عالي السرعة على مستوى العالم حتى في المناطق النائية من غير كابلات ولاغيره.

وفي الحالة دي كل اللي هتبقى محتاجه تدفع الاشتراك وتمن جهاز استقبال من الشركة وتبقى منك للقمر الصناعي علطول.وحسب موقع ستار لينك, الشركة المفروض المفروض تدخل الإنترنت الفضائي لمصر في 2023.

والميزك فيه انه هيقدم سرعة تصل إلى 50 ميجابايت في الثانية مع سعة تحميل غير محدودة،من خلال باقات بأسعار مختلفة.

بس الخدمة بتبدأ من 110 دولار يعني بالمصري 3 آلاف جنيه وشوية اشتراك شهري، على اعتبار أن الجنيه 29.5 جنيه تقريبا، وده غير تمن أجهزة الاستقبال الخاصة بالخدمة واللي بتعدي 500 دولار.

مبلغ كبير طبعا، بس حتى لو معندكش مشكلة في الدفع، الفلوس مش الأزمة الوحيدة في مشروع ستار لينك لان في ناس شايفاه خطر على الأمن القومي.

و السبب في كده انه صعب الرقابة عليه من أجهزة الدولة المتواجد فيها، فهل ممكن يستخدم لاغراض التجسس أو جمع معلومات ممنوعة من التدوال؟

سؤال مهم واللي زود الشكوك اكتر حوالين مشروع تجربة أوكرانيا، ولو بتسأل ازاي؟فبكل بساطة كده، روسيا لما حاولت تقطع خطوط النت عن أوكرانيا في الأزمة الحالية، دخل ايلون ماسك على الساحة وعرض استخدام الأقمار الصناعية في مشروع ستار لينك لصالح القوات الأوكرانية.

وبالفعل ده اللي حصل والملياردير الشهير شحن حوالي 15 ألف من الأطباق وأجهزة التوجيه التابعة لستارلينك إلى أوكرانيا.

والقوات الأوكرانية بتستخدمه للتواصل بين المقرات الرئيسية والقوات في الميدان، والميزة فيه انه صعب التشويش على إشاراته وعشان توصل مجموعة ببعضها محتاج 15 دقيقة بس!

أما بقى لو رجعت لتويتة ايلون ماسك فهتلاقي المصريين من ساعتها منتشرين في الاكونت بتاعه، اللي يقوله طب تعالي زور مصر، واللي يقوله طيب ماتيجي تستثمر عندنا.

حتى نجيب ساويرس دخل على الخط وشكره، كمان شريف عامر رد عليه وقاله “كل شيء لا يزال موجود، يمكنك أن تأتي للتحقق من ذلك بنفسك.. كما أننا نمتلك بعض سيارات تسلا”.

فهل تفتكروا ممكن نشوف ايلون ماسك بدولاراته جاي يفتح مصنع عندنا في مصر؟ أو حتى نستخدم الإنترنت الفضائي بعد موافقة الدولة طبعا؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى