لو انت من عشاق شراء الذهب وخاصة الجنيه وتفضل تستثمر أموالك فيه فإن هذا التقرير من أجلك وهذا لأننا سنوضح كافة المعلومات عن الجنيه الذهب وافرق بين أنواعه فتابعونا.
أسعار الدهب مولعة نار وعشان كده قبل ما تشتري لازم تكون ناصح وعارف إنت هتشتري إيه وبكام وإزاي تفرق بين الأنواع عشان متقعش ضحية لاستغلال التجار.
ولو انت بتحب تشتري الجنيه الدهب لازم تعرف إنه أنواع فمثلا عندك الجنيه الدهب المنتشر في أسواق الصاغة والمحلات العادية وأسمه جنيه الملك جورج،وده بيكون عيار 21 وسعره دلوقتي حوالي 18800 جنيه.
وجنيه الملك جورج بيرجع لموروث تاريخى لما مصر كانت مستعمرة بريطانية وقت حكم الملك جورج وده سبب أن الجنيه الدهب المعتمد فى مصر محطوط عليه صورة الملك جورج الأسبق لبريطانيا
أما النوع التاني للجنيه أسمه جنيه الملكة اليزابيث، والملكة اليزابيث هى الملكة السابقة فى بريطانيا وهو منتشر فى الإمارات والخليج عمومًا ودول العالم وبيكون عيار 22 وسعره دلوقتى 20000 جنيه وبرضه بيتباع عادى فى مصر
طيب هو ليه الجنيه الذهب (الملك جورج) هو الأشهر في مصر ؟
هقولك ياسيدي جنيه الملك جورج هو الأشهر في مصر لانه أكتر من 98% من الجنيهات الدهب المتداولة في السوق المصري تحمل صورة الملك جورج.
والسبب في كدا بيرجع للتاريخ وإن مصر كانت زمان مستعمرة بريطانية، وده اللي خلى الجنيه المعتمد في مصر بيحمل صورة الملك جورج.
بس خلي بالك وانت بتشتري ضروري يكون موجود عليه دمغة يعني مدموغ زي الذهب المشغول وطبعا بتختلف مصنعية الجنيه حسب الشركات المنتجة.
أما لو بتسأل عن الفرق بين الجنيه الدهب العادي والمغلف.. وتختار أنهي فيهم لو حاب تستثمر فلوسك؟
فـ نادي نجيب، سكرتير شعبة الذهب بالغرفة التجارية بالقاهرة سابقا، قال في تصريحات ليه إن أسعار الجنيه الدهب بتختلف حسب نوعيته، وده لأنه في نوعين منهوهما «المغلف»، وده بـ يتم سكه بمصلحة الموازين والدمغة، وعليه اقبال كير من راغبي الإستثمار في الدهب أما الثاني وهو جنيه الدهب عادي اللي مش بيكون عليه دمغة وده لأنه مش مدموغ في مصلحة الموازين.
وعشان تتأكد إن الجنيه اللي انت بتشتريه سليم وموثوق
لازم يكون من عيار الدهب 21.وأنواعه: هي النص جنيه والربع جنيه”، وكلهم عليهم دمغة بعيار 21
والدمغة لازم تكون ظاهرة بشكل واضح ومغلفة بتغليف مصنعها وعليها العلامة التجارية للشركة المصنعة.
كمان وأنت بتشتري الجنيه الذهب لازم تاخد فاتورة كاملة البيانات بالتفصيل.
أماي ايه حكاية الجنيهات الدهب اللي عليها رسومات؟
هقولك ياسيدي الفترة دي في شركات زي شركة BTC مثلًا بتقدملك جنيهات ذهب في الفترة الأخيرة تحمل أشكال ورسومات وصور إسلامية ومسيحية وفرعونية.لكن النوع دا من الجنيهات الدهب مش بيكون عليه إقبال زي الجنيه اللي عليه صورة الملك جورج.لو اشتريت جنيه دهب قولنا عليه صورة مين وإيه أكتر حاجة لفتت نظرك في شكله؟
